Sa hapsirë zë Genshin Impact në PC dhe Android/iOS?

Që prej lancimit të saj në shtator të vitit 2020, Genshin Impact ka fituar një famë dhe popullaritet të madh duke ua kaluar shumë lojëra. Por tashmë lojtarët e Genshin Impact po përballen me një problem i cili është hapsira që kjo lojë zë.

Gjatë çdo update, Genshin Impact shton dicka të re në lojë duke rritur njëkohësisht edhe madhësinë totale që kjo lojë zë në pajisjen tuaj. Dhe së fundmi kjo gjë është bërë një problem i madh për shumë lojtarë dhe sidomos për lojtarët të cilët e luajnë në pajisjet mobile si Android dhe iOS.

Momentalisht në PC, Genshin Impact zë afërsisht 40 GB hapsirë në hard disk tuaj dhe pritet të rritet pas çdo update të ardhshëm. Fatmirësisht kjo gjë nuk përbën një problem të madh pasi hapsira në PC mund të shtohet.

Por problemi më i madh qendron tek pajisjet mobile Android dhe iOS. Momentalisht Genshin Impact zë afërsisht 15 GB hapsirë dhe gjithashtu iu rekomandon lojtarëve që të kenë 8 GB hapsirë rezervë. Ky është një problem i madh për pajisjet mobile pasi ata nuk mund të shtojnë dot hapsirë e pajisjes së tyre duke i detyruar ata të lënë lojën ose të marrin një pajisje të re.

Dhe update i ri në Genshin Impact, Update 2.3 do të vijë ditën e nëserme më datë 24 nëntor duke na sjellë evente të reja por gjithashtu dy karaktere rerun dhe dy karaktere të rinj. Shpresojmë që ky update të mos iu prish shumë punë lojtarëve në mobile të cilët kanë probleme me hapsirën e lirë në pajisjen e tyre.