Lojërat bullet-hell janë një zhanër mjaft old-school, por qe gjithsesi kane një audience mjaft te konsoliduar dhe te dedikuar. Returnal sjell deri diku një ndryshim ne formulën standarde te këtyre lojërave, duke marre elemente nga lojëra rogue-like dhe souls-like për te sjelle një aventure mjaft argëtuese dhe qe do t’ju mbaje te tërhequr pas saj gjate gjithë kohës.
Në Returnal, lojtarët marrin rolin e Selene, një piloteje hapësinore, e cila pati fatin e keq të përplasjes mbi një planet misterioz, të çuditshëm dhe të tmerrshëm. Në të ajo gjen shenja të ndryshme të një civilizimi të lashtë i cili mesa duket është zhdukur. Selene niset për të gjetur një rrugëdalje nga planeti por në përpjekje e sipër ajo vritet. Por fatkeqësisht për te, ajo nuk mund të vdesë, pasi ka ngecur në një cikël Live-Die-Repeat nga i cili nuk shpëton dot. Pas çdo vdekjeje, Selene zgjohet serish në anijen e saj, duke përjetuar përsëri të gjithë rrëzimin e anijes – me disa ndryshime të vogla herë pas here të cilat na japin detaje mbi historinë.
Për lojtarët e kësaj loje kjo do të thotë që pothuajse çdo përparim që ata kanë arritur gjatë udhëtimit të tyre do të zhduket pasi vdesin. Atyre do t’iu duhet që të nisin prapë nga fillimi çdo gjë. Returnal i ndëshkon lojtarët duke i lënë të mbajnë vetëm disa aftësi ose pajisje të cilat do t’iu shoqërojnë gjatë gjithë lojës. Çdo armë dhe pajisje tjetër do të zhduket dhe bota do të riorganizohet në një formë të re. Asgjë nuk do të jetë në të njëjtin vend si më parë.
Gjatë rrugëtimit tuaj ju do të mblidhni materiale të ndryshme të cilat do t’iu ndihmojnë ose pengojnë. Ju mund të mblidhni Obolite me të cilat mund të blini artifacts dhe pajisje te ndryshme ose të mblidhni Ether, i cili do t’iu ndihmojnë në hapjen e chests dhe më shumë. Ndërkohë, për t’u bërë heal, ju duhet te mblidhni Silphium i cili iu shton health. Nëse arrini të mblidhni tre Silphium teksa health bar juaj është plot, ju do të përfitoni health bar extra.
Gjithashtu ju do të gjeni artifakte të cilat do t’iu japin buffs të ndryshme, nga te cilat ne ju rekomandojmë Astronaut dhe Parasite. Ju do të gjeni edhe pajisje të cilat iu japin një buff të përkohshëm ose do t’iu ndihmojnë në vende të caktuara. Në Returnal ju gjithashtu mund te hapni chests te ndryshme te cilat ju japin arme dhe pajisje. Disa chests janë te infektuara dhe nëse i hapni ju merrni një debuff. Për të shpëtuar nga kjo, ju duhet t’i hapni chest me pajisje qe ju heq debuffs, te përdorni Ether ose te përfundoni misionin qe ju jepet pasi hapni një chest infected.
Pas disa përsëritjesh dhe udhëtimesh në “dhoma” të ndryshme ju do të kuptoni që dhomat janë të njëjta dhe thjesht ndryshon rendi i tyre duke e bërë më të thjeshtë për ju pas çdo vdekjeje. Por secili cikël do t’iu tregojë sekrete të ndryshme dhe madje ju do të përballeni me kujtime të ndryshme të së shkuarës së Selene. Ky element i gameplay e ben Returnal te ndihet si një horror psikologjik.
Returnal u kërkon lojtarëve të kalojnë në cikle të ndryshme për të mësuar mekanikat e saj. Në vend që të përmirësoni pajisjet tuaja duke kryer misione të veçantë ose të mblidhni pikë, pas pothuajse çdo cikli ju do të merrni pajisje dhe aftësi të reja duke e bërë më të lehtë dhe më të kënaqshëm ciklin e radhës.
Gjatë lojës ju do të përballeni me puzzles dhe armiq të ndryshëm duke filluar nga krijesat e thjeshta dhe deri tek mini-bosat e dhomave dhe bosat e zonave. Gjithashtu ju do të hasni edhe hieroglifë të ndryshme të cilat do t’iu duhet që t’i mblidhni dhe t’i përktheni duke iu dhënë informacione rreth historisë së lojës.
Siç thamë dhe ne fillim te review tone, Returnal deri diku te jep ndjesinë e lojërave Souls nga FromSoftware. Loja me e fundit e kësaj serie eshte remake i Demon’s Souls për Playstation 5 dhe reviews se saj mund t’i hidhni një sy në website tonë.
Si në çdo loje bullet-hell, armët janë një nga aspektet me te rëndësishme. Çdo armë në Returnal është e ndryshme nga njëra tjera dhe ofron aftësi të ndryshme. Ju do ta nisni me një pistoletë të thjeshtë, aftësia e se cilës ndryshon çdo cikël. Ndërsa eksploroni, do të zbuloni armë dhe aftësi të ndryshme, si dhe upgrade të tyre. Duhet përmendur që çdo armë ka një shënjestër të ndryshme për gjuajtje dhe aim assist nuk funksionon plotësisht, por te gjitha luftimet do te jene argëtuese me plot vrasje spektakolare.
Shumica e kundërshtarëve fillestare janë mjaft te lehte për t’u mundur pasi kane pak a shume te njëjtin stil luftimi. Por ju duhet të keni parasysh që mini-bosat dhe bosat e dhomave të ndryshme ndryshojnë shpesh stilin e tyre të luftimit duke shtuar vështirësinë e lojës.
Për t’i mundur ata, kini parasysh qe secili ka një pike te dobët e cila kur goditet i bën ata stun për disa sekonda. Çdo vrasje do t’iu jap pikë dhe pas çdo 3 vrasjeve në gjendje normale ju do të kaloni një nivel Adrenaline e cila iu jep një buff të caktuar. Por nëse ju pësoni një gjuajtje, niveli i Adrenaline do të rikthehet në zero.
Për sa i përket aspektit vizual, Returnal sjell disa prej grafikave dhe performancave me te mira qe kemi patur deri me tani ne PlayStation 5. Patëm situata kur kemi luftuar me shumë kundërshtarë njëkohësisht nëpër dhoma të mëdha dhe përsëri kemi patur FPS stabël pa asnjë problem. Gjithashtu ne nuk hasëm asnjë bug ose problem gjatë kohës që luajtëm Returnal.
Një detaj tjetër për t’u theksuar është mënyra sesi Returnal përdor me se miri te gjitha veçoritë e controller-it DualSense te PS5. Haptic Feedback eshte përdorur ne mënyrë perfektë për të të përfshirë edhe me shume brenda ne loje. Ju mund te ndjeni pikat e shiut qe bien mbi kostumin e Selene nëpërmjet controller-it.
Për sa i përket controls, ju mund te gjuani duke e shtypur ne gjysme butonin L2 te controller-it, ndërkohë qe kur e shtyp atë plotësisht ju do te përdorni aftësinë speciale te armës tuaj. Edhe pse kjo duket nje mekanike mjaft e çuditshme ne fillim, kur mësohesh ajo behet shume instiktive.
Menjëherë pasi të hyni në botën e Returnal, ju do të kuptoni që loja ofron një sistem shume te mira audio. Nëse jeni duke përdorur kufje ose bokse të përshtatshme me sistemin 3D Audio të Returnal, ju do të dëgjoni çdo detaj te lojës dhe do te keni mundësi te gjeni kundërshtarët tuaj duke përdorur dhe zhurmat qe ata lëshojnë, gjë qe ju përfshin edhe me shume ne boten e Returnal.
Dhe nëse mendoni se ndoshta do të mërziteni teksa luani Returnal për shkak të përsëritjes së shpeshte të lojës, e keni shume gabim. Në fillim ju do të nxeheni pak, më pas akoma edhe më shumë dhe më pas me shume mundësi te do thyeni controllerin. Pas kësaj, ju do te blini një controller te ri sepse do te doni qe te luani akoma edhe me shume Returnal.
Kjo pasi bota e lojës ofron plot argëtim dhe mistere te cilat te mbajnë te mbërthyer për ore te tera. Si përfundim, Returnal është një loje mjaft e mire e cila shfrytëzon gameplay-n dhe boten e saj për të të tërhequr, ndërkohë qe njëkohësisht përdor ne maksimum te gjitha opsionet qe ofron nje PlayStation 5. Kjo e bën atë një blerje te sigurt për këdo qe ka një konsole te tille.