PS5 Reviews

Demon’s Souls Remake Review

Mbështesni GameON Albania duke përdorur kodin support-a-creator: GAMEONALBANIA

Demon’s Souls i vitit 2009 është akoma një ndër lojërat më të pëlqyera nga seria e lojërave Souls dhe kësaj here kjo lojë vjen si remake për PlayStation 5. Lind pyetja: Çfarë duhet të presim nga ky remake? A do të jetë ne nivelin e duhur të një loje nga seria e Souls? Për të mësuar më shumë ndiqni review-n tonë mbi këtë lojë.

Demon’s Souls u shfaq për herë të parë gjatë vitit 2009 si një lojë e thjeshtë e cila ishte ndryshe nga shumica e lojërave të zhanrit të saj dhe menjëherë fitoi popullaritet për shkak të kësaj arsyeje.

Nëse e keni luajtur Demon’s Souls origjinal do ta kuptoni menjëherë se ka goxha ndryshime të cilat ishin të nevojshme, por në të njëjtën kohë janë ruajtur goxha gjëra të cilat janë një element tepër i rëndësishëm për këtë lojë.

Historia është e njëjtë dhe ngjarjet zënë vend në mbretërinë e Boletaria ku shekuj më përpara keqpërdorimi i magjisë që njihej ndryshe si Soul Arts bëri që Boletaria të sulmohet nga një qenie e quajtur the Old One. Kjo gjë ka bërë që e gjithë kjo botë të mbushet me një mjegull magjike dhe demonë të cilët janë në kërkim të shpirtrave. Papritmas the Old One vihet në gjumë dhe gjithçka ngelet është Boletaria e cila është gati e shkatërruar.

Tashmë mbreti i Boletaria, King Allant, rikthen përsëri Soul Arts duke zgjuar the Old One dhe ushtrinë e tij me demona. Ju do të merrni rolin e një aventurieri i cili vendos të hyjë në mjegullën që ka pushtuar këtë botë. Pasi ju të vriteni, ju shfaqeni si shpirt në Nexus ku do të takoni Maiden in Black që është një demon ndryshe nga të tjerët dhe që do të kujdeset për ju gjatë aventurës suaj për të mundur the Old One dhe për të marrë mbrapsht trupin tuaj.

Edhe pse është një remake, përsëri pothuajse çdo gjë ngelet perfekte dhe e realizuar në një mënyrë tepër të bukur.

Ju mund ta merrni trupin tuaj mbrapsht nëse arrini të mundni kundërshtarë të veçantë gjatë boss fights ndaj të cilëve duhet të tregoni shumë kujdes. Nëse e merrni trupin tuaj ju do të keni avantazhe si health bar i plotë. Nëse vdisni ju do ta humbni atë dhe do të vazhdoni lojën përsëri si shpirt me gjysmë health bar por që do t’iu jap avantazhe si mos bërja e zhurmave kur ecni.

Ju mund të zgjidhni midis armëve dhe armaturave të ndryshme, ku secila prej tyre ka impaktin e vetë gjatë dyluftimeve tuaja. Gjithashtu ju keni mundësinë të kryeni kombinime të ndryshme armësh dhe armor.

Përdorimi i një armature prej çeliku do t’iu bëj të lëvizni më ngadalë por do të keni më shumë mbrojtje kurse përdorimi i një prej lëkure ose rrobe do t’iu ul mbrojtjen por do të keni mundësinë të lëvizni më shpejt.

Mënyra se si do të luftoni është përmirësuar duke e bërë dyluftimin më real dhe më konsistent. Duke eksploruar nëpër vende të ndryshme ju do të gjeni items dhe rings që mund t’iu hyjnë në punë në mënyra të ndryshme. Disa mund t’iu shtojnë health bar, disa iu vendosin shpatën në zjarr në mënyrë që të kryeni më shumë dëme etj.

Disa prej gjërave më të rëndësishme që ne iu rekomandojmë që ju të keni, janë Cling Ring që do t’iu cojë në 75% health bar kur jeni në formën shpirt dhe herbs të ndryshëm që do t’iu shërojnë kur jeni në situata kritike.

Pas çdo vrasjeje ju do të shpërbleheni me souls që funksionon edhe për t’u rritur në nivele por gjithashtu edhe për të përmirësuar armët dhe armaturën tuaj ose t’i shtoni vetes fuqi të ndryshme. Nëse ju vdisni, ju do të humbi souls që keni mbledhur por mos u shqetësoni pasi ju mund të shkoni përsëri në vendin ku vdiqët për ti marrë nëse nuk vdisni prapë.

Dhe meqë ra fjala tek vdekja, pjesa YOU DIED do të jetë bashkëshoqëruesi juaj gjatë aventurave tuaja dhe ka për t’iu shfaqur aq shpesh saqë besojmë se ka për t’iu dalë edhe në ëndrra. 🙂

Fatmirësisht falë shpejtësisë që PS5 iu ofron, ju nuk keni për ta ndjerë fare vdekjen shumicën e kohës, pasi koha e loading është shumë e shpejtë.

Gjithashtu veçoria e quajtur “World Tendency” është përfshirë përsëri në lojë. Secili prej 5 vendeve ku ju mund të shkoni ka tendency të tij. Me pak fjalë sa më shumë herë të vdisni kur keni trupin, aq më të fuqishëm bëhen kundërshtarët tuaj dhe mund të themi që është një mënyrë tepër e bukur  ndëshkimi për lojtarët duke iu bërë të ngecni para kësaj loje për një kohë të gjatë.

Bota është e ndarë në 5 vende të ndryshme ku ju mund të shkoni atje nëpërmjet Nexus ose Archstones të cilat mund t’i gjeni dhe përdorni gjatë eksplorimit tuaj nëpër këto vende. Ndryshe nga Demon’s Souls origjinal ku Archstone iu transportonte në Nexus, duke përdorur Archstone ju mund të udhëtoni edhe nëpër vendet e tjera.

Në këtë remake do të kuptojmë që bota është përmirësuar goxha duke filluar që prej teksturave të cilat në lojën e vjetër kishin nevojë për përmirësime, por fatkeqësisht teknologjia e kohës nuk ua lejonte ketë gjë. Grafikat janë përmirësuar ndjeshëm dhe madje është shtuar një sistem i ri ndriçimi. Kjo do të thotë që burimet natyrale të dritës si magjia ose zjarri do të ndriçojnë vendin ku ju ndodheni duke iu bërë të thoni WOW.

Ju mund të zgjidhni midis opsionit Cinematic Mode që do t’iu ofrojë rezolucion 4K por 30fps ose Performance Mode që do t’i ofrojë 60fps duke sakrifikuar pak nga grafikat dhe detajet. Por pavarësisht opsionit që do të zgjidhni, eksperienca juaj në këtë lojë do të jetë maksimale.

Muzika është zëvendësuar por kjo s’do të thotë që nuk i përshtatet lojës. Gjatë skenave intesive muzika do t’iu jap një ndjesi të veçantë, duke iu bërë akoma edhe më shumë pjesë të betejave. Disa nga zërat e aktorëve ishin ruajtur dhe një prej tyre ishte Maiden in Black duke sjellë nostalgji për lojtarët që e kanë luajtur Demon’s Souls e vitit 2009.

Për Demon’s Souls mund të themi pa frikë që iu ofron shumë gjëra për të bërë dhe të mos mërziteni asnjëherë edhe pse kjo gjë do të ndodh duke vdekur shumë herë. Keni mundësinë të eksploroni pamjet gotike që loja iu ofron, të kërkoni për items, armë dhe armor që iu përshtatet ju ose përjetoni jumpscare të ndryshëm siç përjetoi dhe Visi teksa po e luante lojën në disa raste.

Gjithashtu loja iu ofron edhe online duke iu dhënë mundësinë të ndesheni me lojtarë të tjerë duke i sjellë në botën tuaj. Këtë gjë mund ta përshkruajmë shkurtazi si një sistem rreziko dhe shpërblehu ose vdis.

Konkluzioni

Për ta përmbledhur mund të themi që lidhja që do të krijoni me këtë lojë do të jetë tepër e vecantë por në të njëjtën kohë tepër e çuditshme. Demon’s Souls do t’iu bëjë që të jeni pjesë e kësaj bote por në mënyrën e saj duke iu bërë të shpenzoni goxha kohë para saj dhe ta keni inat këtë lojë por në të njëjtën kohë ta dashuroni