Janë bërë leak parametrat e GPU të Xbox Series X dhe PS5

Duket se Xbox Series X do të ketë një kartë grafike më të mirë se PlayStation 5

Nëse raportimet e leaker-ave janë të sakta, mbase kemi zbuluar se sa të fortë do të jenë Xbox Series X dhe PlayStation 5. Siç pritet, shifrat janë shumë më të larta se Xbox One dhe PS4 për sa i përket fuqisë së procesimit.

Leak-u, siç u detajua nga disa raportime të ndryshme, vjen menjëherë nga laboratorët e testimit të AMD. Thuhet se Xbox Series X do të ketë një GPU shumë të fortë e cila mund të arrijë deri në 12 TFLOPS fuqi, ndërkohë që Xbox One ka 1.3 TFLOPS dhe Xbox One X 6 TFLOPS.

Për sa i përket PS5, raportimet janë pak më specifike. Thuhet se ai do të ketë një GPU që ka fuqi procesuese 9.2 TFLOPS, që është më pak se Xbox Series X, por sërish shumë e fuqishme. Gjithashtu, GPU e PS5 do të ketë memorie GDDR6.

Një tjetër detaj që zbulohet në leak është fakti se PS5 ka tre “mode”, që e lejojnë atë të suportojë backwards compatibility me PS4 dhe PS4 Pro. Sistemi do të alternojë midis Gen 0, Gen 1 dhe Gen 2 për të luajtur lojëra nga PS4, PS4 Pro ose PS5.

Padyshim që asgjë nuk është konfirmuar deri më tani dhe gjithçka mund të ndryshojë përpara lançimit të konsolave në fund të vitit 2020.