Prince of Persia: The Sands of Time Remake shtyhet përsëri

Prince of Persia: The Sands of Time Remake u zbulua për herë të parë gjatë 2020 dhe ishte planifikuar për t’u lançuar më 2021. Por Ubisoft vendosi ta shtynte për në 2022, më pas për 2023 dhe tashmë loja është shtyrë përsëri.

Prince of Persia: The Sands of Time Remake pati një larmi të madhe thashethemesh se projekti është anuluar pas disa raporteve nga Gamestop dhe Amazon të cilët kishin ndaluar preorders dhe disa të tjerë e kishin hequr fare mundësinë për preorder.

Por kjo gjë ishte i gjithi një thashethem pasi një muaj më para Ubisoft deklaroi se zhvillimi i The Sands of Time Remake do të kalonte nga Ubisoft Pune dhe Mumbai tek Ubisoft Montreal. Kjo ka bërë që loja të mos vinte në vitin fiskal 2023.

Viti fiskal i kompanisë 2022-2023 mbaron më 31 mars 2023 kështu që kemi akoma mundësi që loja të vijë më 2023. Por duhet të presim akoma një njoftim zyrtar nga Ubisoft.