Vampire: The Masquerade – Bloodlines 2 tashmë do të lançohet në 2021, ka njoftuar studioja Hardsuit Labs sot. RPG e bërë reboot ishte planifikuar fillimisht për t’u publikuar në mars, por në vonë u shty për një datë të pacaktuar brenda 2020s.
Deklarata nuk tregon se kur në 2021 do të lançohet loja, por duke marrë parasysh mungesën e update-ve së fundmi, ky lajm nuk na habit.
Today we have an important announcement in regards to the release date of Bloodlines 2. 🦇 pic.twitter.com/M3xR5qOOpN
— Vampire: The Masquerade - Bloodlines 2 (@VtM_Bloodlines) August 11, 2020
“Synimi ynë ka qenë gjithmonë që të sjellim lojën më të mirë të mundshme, për t’ju përfshirë në World of Darkness dhe për të sjellë një pasardhës të denjë për lojën origjinale të Bloodlines,” lexon deklarata. “Për shkak të pritshmërive dhe ambicies që i kemi vendosur vetes, kemi marrë vendimin e vështirë dhe kemi dalë në përfundimin që na duhet më shumë kohë.”
Kjo ndoshta është një lëvizje e zgjuar. Probabiliteti është që Cyberpunk 2077 do të dominojë çdo lloj RPG të këtij viti, ndaj është më mirë që loja të ketë vëmendjen e saj dhe të jetë e mbyllur deri në detaj, përpara se të lançohet.