Suksesi i GTA 5 vazhdon
Suksesi i GTA 5 vazhdon
Në raportin e tyre për fitimet gjatë çerekut të dytë të vitit, Take-Two Interactive, publikuesit e Grand Theft Auto 5, thanë se pas gjashtë vitesh, loja ka arritur të shesë 115 milionë kopje, duke arritur kështu të vazhdojë të jetë e suksesshme.
Take-Two Interactive raportoi pranverën e kaluar se loja kishte arritur 110 milionë kopje. GTA 5 nga Rockstar e ndihmoi Take-Two të arrinte fitime prej $71.8 milionë, si dhe $857.8 milionë të ardhura vjetore, të cilat shënojnë një rritje prej 74% vit pas viti, por ishin gjithsesi poshtë pritshmërive të analistëve prej $919 milionë.
Të ardhurat nga shpenzimet brenda lojës u rritën me 39%, me Take-Two që vuri në dukje se Grand Theft Auto Online kishte pasur çerekun më të mirë për sa i përket përdoruesëve ditorë, javorë dhe mujorë dhe shpenzimet u rritën me 23%.
Rockstar gjatë verës lançoi në lojë një update shumë të madh siç ishte Diamond Casino & Resort, i cili hapi debate në industri për sa i përket kumarit në lojëra dhe ligjshmërisë së tij.
Gjatë këtij çereku u lançua gjithashtu dhe Borderlands 3, e cila shiti 5 milionë kopje në 5 ditë dhe ka shitur deri më tani 7 milionë kopje.
Gjatë vitit të kaluar u përllogarit se GTA 5 kishte arritur $6 miliardë nga shitjet, duke e bërë atë një prej lojërave me më shumë fitime ndonjëherë