Nxitoni të merrni këto dy lojëra falas në Epic Games

Çdo të enjte Epic Games Store jep falas lojëra të ndryshme në platformën e saj dhe këtë të enjte Epic Games sjell 2 lojëra të cilat nuk duhet t’i humbisni.

Lojërat falas për këtë javë janë Insurmountable dhe XCOM 2.

Insurmountable është një lojë aventurë në të cilën lojtarët duhet të kalojnë male të mëdha. Falë veçorive të lojës, asnjë ngjitje mali që do të bëni nuk do të jetë njësoj. Përballoni terrenin e vështirë, ndryshimet e motit, misteret dhe rreziqet dhe sigurohuni që të mos e vendosni veten në pika kritika. Dhe të mos harrojmë, nëse vdisni ju humbni të gjithë progresin e bërë.

XCOM 2 është një sequel i lojës strategjike turn-based XCOM: Enemy Unknown. 20 vite pas pushtimit të Tokës, alienët kanë zaptuar çdo cep të tokës duke e ndryshuar atë. XCOM është linja e fundit e mbrojtjes dhe tashmë do t’iu duhet që të luftoni kundër alienëve dhe të përpiqeni të shpëtoni planetin tuaj.

XCOM 2 dhe Insurmountable do të jenë falas që prej datës 14 prill deri më 21 prill prandaj nxitoni t’i merrni sa më shpejtë.