Ky mod ndryshon aspektin vizual të Grand Theft Auto 5

Grand Theft Auto 5 është një prej lojërave popullore për pothuajse shtatë vite. Diçka që ka ndikuar në këtë gjë janë edhe mods e krijuara nga komuniteti. Një mod i krijuar së fundmi ndryshon pothuajse të gjithë aspektin vizual dhe përmirëson grafikat e Grand Theft Auto.

Është e rrallë për një lojë që të ketë një popullaritet kaq të madh pas kaq shumë vitesh pas lançimit të saj dhe një ndër këto lojëra është GTA 5 e cila po rritet akoma dita ditës. Përveç GTA Online, GTA 5 ka një komunitet të madh i cili krijon mods vazhdimisht dhe dikush ka krijuar një mod i cili ndryshon aspektin vizual dhe grafikat e kësaj loje.

Ky mod është krijuar nga NB.design i cili është një 3D graphic designer dhe i cili ka sjellë një përmirësim të shumë aspekteve vizuale në lojë nëpërmjet një mod. Në këtë mod ai ka përmirësuar ndriçimin dhe teksturën duke i bërë më realistike. Gjithashtu pemët kanë ndryshuar ndjeshëm bashkë me shumë gjëra të tjera.

Duke patur parasysh që GTA 5 po vjen në PS5 dhe Xbox Series X/S me grafika të përmirësuara, mund të themi që Rockstar mund të inspirohet nga këto mods dhe të sjellin një larmishmëri ndryshimesh në lojë në të ardhme.