Minecraft shton një veçori goxha të kërkuar nga lojtarët dhe një biome të ri

Minecraft i ka të zakonshme update që ka në plan për versionet e reja dhe një prej veçorive që do të sjellë kësaj here është një ndër më të kërkuarit nga lojtarët dhe fansat e kësaj loje.

Në një postim në website zyrtar të Minecraft, Mojang ka prezantuar snapshot 22W14A bashkë me se çfarë sjellë të re ky update. Një prej veçorive më interesante që Minecraft ka sjellë është “recovery compass”. Ky item i ri i cili bëhet craft iu lejon lojtarëve të gjejnë vendin se ku kanë vdekur për herë të fundit. Kjo veçori do t’ua bëj jetën më të lehtë lojtarëve që vdesin shpesh herë dhe humbin gjërat e tyre të çmuara(si puna ime).

Por përveç kësaj veçorie, Minecraft do të sjellë edhe një biome të ri në lojë. Biome i ri është Mangrove Swamp dhe sipas informacioneve që kemi, ky biome do të ndodhet në zona të ngrohta dhe të lagështa. Gjithashtu në këtë biome do të gjeni Mangrove Tress në të cilat do të keni shanse të gjeni edhe koshere bletësh.

Ju mund të mësoni më shumë rreth këtij snapshot në website zyrtar të Minecraft.