Më në fund CSGO po kalon në Source 2?

Që prej lançimit të engine të ri Source 2, ka patur plot thashetheme që Counter-Strike: Global Offensive do të kaloj në këtë engine të ri. Deri më tani s’kemi patur asnjë njoftim zyrtar por disa detaje të reja na bëjnë të dyshojmë se kalimi i CS:GO në Source 2 është afër.

Dataminer Gabe Follower ka zbuluar disa prova të cilat provojnë se CS:GO së shpejti mund të lëviz në engine më të avancuar së shpejti. Nëpërmjet një postimi në Twitter, ai ka zbuluar disa “strings” në update e ri të Dota 2. Dota 2 po përdor momentalisht engine Source 2 dhe kjo na shtyn akoma edhe më shumë të mendojmë se CS:GO do të kalojë së shpejti në Source 2.

Thashethemet se CS:GO do të kalojë në engine Source 2 kanë qarkulluar për afërsisht 6 vite tashmë. Por gjithashtu kemi patur edhe thashetheme që Valve nuk do ta kalojë dot CS:GO në Source 2 për shkak se loja nuk përshtatet në engine e ri.

Por këto të dhëna të reja i kanë lënë lojtarët të mendojnë se Valve është akoma duke testuar kalimin e CS:GO në engine Source 2. Akoma nuk kemi të dhëna zyrtare dhe presim që një lajmërim zyrtar nga Valve të vijë së shpejti.