Lojërat e reja falas në PlayStation lënë në hije PS Plus

Sony së fundmi ka sjellë çudira me lojërat falas që ofron në abonimet e saj me pagesë. Momentalisht PlayStation ka dy abonime, Plus dhe Now të cilat kanë funksione të ndryshme. PS Plus është më popullore por lojërat e reja falas të Now po lënë në hije PS Plus.

Playstation Plus njihet për popullaritetin e tij dhe lojërat falas që sjell të cilat për muajin nëntor janë Knockout City, First Class Trouble, Kingdoms of Amalur: Re-Reckoning bashke me disa lojëra VR si Until You Fall, The Persistence dhe The Walking Dead: Saints & Sinners.

Por PlayStation Now mesa duket po synon që të rrisë popullaritetin e tij duke sjellë disa lojëra ndryshe dhe duke lënë në hije abonimin e PlayStation Plus. Lojërat falas që vinin në PlayStation Now sipas një postimi në blog e PlayStation janë Mafia: Definitive Edition, Totally Reliable Delivery Service, Final Fantasy IX, dhe Celeste.

Të gjitha këto lojëra janë goxha më të mira dhe më të vlerësuara nga komuniteti gaming duke nisur përsëri kritikat mbi lojërat që PS Plus sjell çdo muaj.