The Day Before është një prej lojërave që kryeson listën e lojërave wishlisted në Steam dhe më të shumëpritura. Por një njoftim i kryer së fundmi na ka informuar se loja do të shtyhet për në vitin 2023.
I planifikuar për lançim më 21 qershor të vitit 2022, The Day Before është një lojë MMO survival e vendosur në Amerikën post-apokaliptike ku lojtarët duhet të mbijetojnë ndaj zombie dhe të mbijetuarit e ndryshëm të cilët mund të bëjnë çdo gjë për mbijetesë.
The Day Before është duke u zhvilluar nga studioja zhvilluese Fntastic e cila ka njoftuar se data e lançimit do të shtyhet për në vitin 2023. Dhe arsyeja pse kjo gjë po ndodh është për shkak të kalimit të lojës në teknologjinë e re të Unreal Engine 5. Kjo do t’iu jap zhvillueseve mundësinë për të sjellë një lojë më të mirë dhe që arrin ekspektimet e tyre.
Loja survival MMO iu vendos në Amerikën pas një pandemie që ka shkatërruar të gjithë botën dhe tashmë ju duhet të kërkoni për resurse, armë dhe çdo gjë të mundshme që mund t’iu duhet. Ju do të keni mundësinë që të personalizoni armët tuaja sipas dëshirës dhe gjithashtu të krijoni goxha gjëra vetë nëpërmjet crafting systems të ndryshme.
Mësoni më shumë rreth The Day Before në videon e gameplay rreth lojës të cilën mund ta gjeni më sipër. The Day Before është momentalisht në Steam ku mund ta bëni wishlist.