Loja ekskluzive e PlayStation 5 mund të vijë falas

Një ndër lojërat ekskluzive të PlayStation 5 e cila doli vitin e kaluar, do të bëhet së shpejti free-to-play sipas një leak të zbuluar së fundmi.

Loja në fjalë është Destruction AllStars e cila erdhi në PlayStation 5 në shkurt të vitit 2021 por që nuk bëri shumë bujë dhe famë. Gjithashtu Destruction AllStars erdhi falas me PlayStation Plus por prapë kjo nuk i dha shumë popullaritet.

Dhe mesa duket zgjidhja e vetme që ka ngelur për zhvilluesin e lojës, Lucid Games, është që ta bëjë lojën falas. Kjo gjë u zbulua nga përdoruesi i Reddit Mr_WeeWoo i cili ka vënë në dukje një patch që loja ka marrë dhe ndryshimet që ka marrë.

Një ndër ndryshimet kryesore siç mund të shihen më sipër ishin disa sfida që kishin prefiksin “BS_F2P_CHALLENGE” duke na treguar që loja mund të bëhet së shpejti free-to-play. Edhe pse kjo nuk e konfirmon plotësisht këtë gjë, zgjidhja më e mirë për Lucid Games në këtë fazë është që ta bëjë Destruction AllStars free-to-play.