Patch 12.15 s’ka shumë që ka ardhur në League of Legends dhe kompania zhvilluese e lojës, Riot Games, ka zbuluar planet për patch e radhës. Dhe të themi të drejtën planet për patch 12.16 na kanë befasuar goxha.
Planet për patch 12.16 kanë ardhur nga Matt “Phroxzon” Leung-Harrison i cili është Lead Games Designer për lojën MOBA të Riot Games, League of Legends. Nëpërmjet një postimi në profilin e tij në Twitter, ai ka zbuluar planet e tyre për League of Legends Patch 12.16.
12.16!
— Matt Leung-Harrison (@RiotPhroxzon) August 16, 2022
The first of our World's focused patches. Since some Leagues are still qualifying for Worlds on this patch, we're holding the more speculative changes for 12.17. Looking to tap down a few outliers and bump up others, with Diana nerfs to tank and buffs to AP builds pic.twitter.com/MZmfdNVEf1
Sipas postimit, Zeri e gjen veten në anën e nerfs duke i konfuzuar lojtarët rreth të ardhmes së ADC. Nga ndryshimet dhe nerf që Zeri ka patur së fundmi, shumë lojtarë e kanë braktisur atë duke u lënë në hije.
Një prej gjërave që na habiti dhe na befasoi më shumë ishte fakti që Irelia do të merrte buffs. Momentalisht Irelia është një ndër champions më të fortë në lojë duke torturuar shumë lojtarë që bien kundër saj. Kjo bën që winrate i saj të jetë goxha i lartë dhe gjithashtu të bëhet shpesh herë ban.
Ndryshimi tjetër ishte nerfs në një meta të krijuar së fundmi me Diana. Së fundmi mund ta kemi parë shpesh herë Diana në jungle duke shkuar tank me Sunfire Aegis dhe items të tjerë AP. Ky build bruiser po fillohej të abuzohej goxha së fundmi bashkuar me durability patch duke e bërë Diana goxha të fortë dhe njëkohësisht tank.
Më poshtë do të gjeni listën e plotë të ndryshimeve që janë planifikuar.
Gjithashtu duhet të keni parasysh që këto ndryshime nuk janë të sigurta nëse do të vijnë në lojë apo jo. Këto janë thjesht disa plane të cilat testohen dhe marrin feedback nga komuniteti dhe zhvilluesit e lojës para se të vijnë në live servers ose në patch e ardhshme të League of Legends.