Among Us theu rekorde gjatë vitit 2020 por fatkeqësisht popullariteti i saj ra ndjeshëm pas disa kohësh. Por një lojë e ngjashme me të po bën namin momentalisht në Steam.
Loja në fjalë quhet Dread Hunger e cila është lançuar më 26 janar në Steam. Që prej asaj dite loja pati një rritje të madhe të lojtarëve çdo ditë në Steam. Momentalisht numri i lojtarëve është afërsisht 65,657 lojtarë dhe besojmë se ka për t’u rritur akoma.
Dread Hunger ka akoma punë për të arritur të njëjtin popullaritet që Among Us ka patur por deri më tani është një nisje e mirë. Dread Hunger është first-person dhe ndryshe nga Among Us, nuk është thjesht me dy lojtarë të cilët tradhtojnë ekipin.
Ju do ta gjeni veten të ngecur në mes të Arktikut bashkë me tetë eksplorues të tjerë dhe ku do t’iu duhet të mbijetoni. Por bëni kujdes me çdo lëvizje tuajën pasi kushtet e vështira, kafshët e rrezikshme dhe rreziqe të ndryshme nga ekuipazhi mund t’iu marrin jetën. Dread Hunger gjithashtu ka edhe disa aspekte të ngjashme me lojën Rust duke e bërë akoma edhe më interesante.