Hoyoverse ka zbuluar më në fund një datë se kur do të zhvillohet testimi i parë i Zenless Zone Zero. Dhe sipas njoftimit të bërë në website e tyre, fansat e kësaj loje do të kenë mundësinë për ta provuar lojën në gusht.
Loja RPG e ardhshme e Hoyoverse, Zenless Zone Zero do të jetë një urban fantasy action RPG e vendosur në New Eridu, një qytet i cili është “streha e fundit e njerëzimit”.
Lojtarët do të luajnë si karaktere të cilët investigojnë dhe luftojnë kundër krijesave të quajtura Hollows ose proxy. Këto krijesa krijojnë dimensione të mbushura plot me përbindësha të quajtur si Ethereal.
Grafikat dhe dizajni janë të ngjashme Genshin Impact dhe Honkai Impact por që përfshijnë një stil më futuristik dhe urban. Në trailer e shfaqur mund të shohim që karakteret mbajnë armë të ndryshme si ranged dhe melee duke përfshirë këtu shpata, pistoleta, armë të rënda dhe më shumë. Kjo e bënte aspektin e combat të dukej goxha e shpejtë dhe interesant.
Sipas njoftimit të bërë nga Hoyoverse, testimi i parë beta do të nis më 5 gusht dhe ju mund të merrni pjesë duke aplikuar në website e Zenless Zone Zero. Aplikimet do të jetë të hapura deri më 27 korrik dhe vetëm një numër i caktuar lojtarësh do të kenë mundësinë të marrin pjesë.
Gjithashtu duhet të dini se testimi beta do të jetë i vlefshëm vetëm për PC dhe iOS dhe cdo progres dhe të dhënë që do të keni do të fshihet pas mbylljes së testimit.