Hogwarts Legacy i cili po zhvillohet nga Avalanche Software në bashkëpunim me Warner Bros. Games dhe Sony, do të sjellin këtë javë një State of Play të dedikuar vetëm për këtë lojë. Duhet të përmendim që Sony solli State of Play javën e kaluar ku zbuloi shumë lojëra të reja.
Nga njoftimi i kryer kemi mësuar se gjatë këtij State of Play dedikuar Hogwarts Legacy do të zbulohen detaje të reja rreth lojës dhe gjithashtu një video të plotë gameplay që do të informojë më shumë reth lojës. Gjithashtu pritet që të kemi edhe një datë lançimi se kur do të vijë Hogwarts Legacy.
State of Play për Hogwarts Legacy do të transmetohet ditën e enjte më 17 mars në orën 22:00 prandaj mos harroni që ta ndiqni.
Hogwarts Legacy pritet të lançohet këtë vit dhe do të jetë për platformat PlayStation 5, PlayStation 4, PC, Xbox One dhe Xbox Series X|S. Më shume detaje dhe një datë lançimi priten të zbulohen ditën e enjte gjatë State of Play.