Grand Theft Auto 5 kryeson në Twitch gjatë Mars 2021

Twitch është një prej platformave më të mëdha streaming në të cilën çdo gjë mund të ndryshojë. Por mesa duket një gjë e cila nuk ka për të ndryshuar është dominimi që Grand Theft Auto 5 ka kryer dhe akoma po kryen në platformën Twitch.

Grand Theft Auto 5 u lançua më 2013 për Xbox 360 dhe PlayStation 3 dhe më 2015 për PC. Që prej asaj kohe GTA ka qenë një nga lojëra më popullore dhe pas lançimit të GTA Online ajo filloi të rritej akoma edhe më shumë duke përfshirë këtu edhe popullaritetin e saj në platformat streaming si Twitch.

Sipas një raporti nga StreamElements, GTA 5 ishte një nga lojërat më të shikuara në Twitch gjatë muajit mars duke kaluar lojëra të tjera tepër popullore si League of Legends dhe Fortnite. E gjithë kjo gjë ka ndodhur për shkak të update të shpeshta që loja merr dhe popullaritetit të madh që serverat RP të GTA kanë marrë kohët e fundit.

Teksa Grand Theft Auto 5 po korr një sukses tepër të madh, sytë e shumë fansave të lojës janë akoma nga GTA 6 i cili po pritet nga shumë gamers kudo në botë.