Genshin Impact sjell kompensim për vonesën e versionit 2.7

Para disa ditësh, llogaria zyrtare e Genshin Impact në Twitter lajmëroi për lojtarët e saj se update i versionit 2.7 do të vonohet. Dhe një njoftim i ri ka ardhur kësaj here duke na informuar se si Mihoyo ose siç njihet sot, Hoyoverse, do t’i kompensojë lojtarët për këtë vonesë.

Në një njoftim të ri në Twitter gjatë ditës së sotshme, Genshin Impact ka njoftuar se do t’i kompensojë lojtarët çdo javë që loja do të vonohet. Të gjithë lojtarët që kanë arritur adventure rank 5 deri më 11 maj do të kenë mundësi të bëhen pjesë e këtij kompensimi.

Por çfarë do të përmbajë kompensimi që Genshin Impact do të sjellë për lojtarët e saj. Sipas njoftimit që Genshin ka sjellë, çdo javë që versioni 2.7 vonohet lojtarët do të marrin 400 primogems, 7 hero’s wit, 16 mystic enchantment ore dhe 120,000 mora çdo javë.

Akoma nuk kemi një datë se kur update për version 2.7 do të vijë pas njoftimit që do të vonohet.