Nuk mund ta mohojmë që Genshin Impact është një ndër lojërat më të suksesshme që kemi patur së fundmi dhe së fundmi kjo lojë ka arritur një rekord të ri.
Gjatë përvjetorit të parë të Genshin Impact, është zbuluar se loja e Mihoyo ka gjeneruar afërsisht 2 miliardë dollarë amerikanë sipas të dhënave të zbuluara nga Sensor Tower Store Intelligence. Kjo e pozicionon në vendin e tretë për të ardhurat në lojërat mobile brenda një viti pa përfshirë Kinën ose blerjet përmes aplikacioneve third-party.
Në vendin e parë ndodhet Honor of Kings me afërsisht 2.9 miliardë dollarë, në vendin e dytë PUBG Mobile me 2.8 miliardë dollarë, Genshin Impact në vendin e tretë me 2 miliardë dollarë, Pokémon GO në vendin e katër me 1.4 miliardë dollarë dhe Roblox në vendin e pestë me pothuajse 1.4 miliardë dollarë.
Gjithashtu Genshin Impact ka zënë vendin e parë si loja me më shumë rritje në botë duke thyer gjithashtu rekorde në App Store dhe duke treguar dhe ndryshuar eksperiencat e lojërat open-world në mobile.