Genshin Impact së bashku me TikTok po zhvillojnë një event duke iu dhënë mundësinë lojtarëve të fitojnë një mal me primogems falas. Por për çfarë bën fjalë ky event, cfarë fitoni dhe si mund të merrni pjesë?
Sipas postimit të bërë në Hoyolab, për të marrë pjesë në këtë event ju duhet të bëni një video e cila përfshin historinë, muzikën, gameplay, karakteret ose skena nga loja dhe të përdorni tag “#FilmTeyvatIslands” kur ta postoni. Por duhet të keni parasysh që pjesëmarrja është individuale prandaj nuk lejohen punët në grup.
Dhe për ju që jeni të interesuar se çfarë shpërblimi do të merrni, ato janë Primogems. Shpërblimet do të ndahen në tre kategori si video me më shumë likes, video me më shumë shikime dhe video më e mirë.
Një sasi e ndryshme primogems do të jepet për çdo kategori dhe më poshtë do të gjeni një informacionet përkatëse.
Ju do të keni kohë deri më 22 korrik prandaj nxitoni sa më shpejtë për të marrë pjesë në këtë event nga Genshin Impact. Faza e gjykimit do të nis më 23 korrik dhe fituesit do të shpallen më 10 gusht.
Momentalisht Genshin Impact është në version 2.8 ku lojtarët kanë mundësinë të eksplorojnë Golden Apple Archipelago, një zonë e re e cila do të jetë ekskluzive vetëm për këtë version.