Loja më e madhe multiplayer e Bethesda dhe ZeniMax Online Studios, Elder Scrolls Online, është falas për t’u luajtur gjatë kësaj jave bashkë me shumë veçori të tjera.
Versioni falas i Elder Scrolls Online do t’iu ofrojë goxha veçori të ndryshme falas si të eksperimentoni me katër klasat e ndryshme, eksploroni botën e madhe që kjo lojë ofron ose të merrni pjesë në beteja PvP në Alliance War. Ju do të keni akses në zonat e lojës bazë, Skyrim, Hammerfell dhe disa expansions.
If you haven’t tried ESO, our Free Play Event is live until April 26. Continue your adventures after the Free Play Event by pre-purchasing the High Isle Collection and gain immediate access to the base game, all previous Chapters, and High Isle in June. https://t.co/Si3NifOaKx pic.twitter.com/k9Zeo1ywoF
— The Elder Scrolls Online (@TESOnline) April 14, 2022
Gjatë kohës që Elder Scrolls Online do të jetë falas, loja do të ketë edhe ulje për lojën bazë dhe expansions e saj. Ju mund të merrni versionin standard të lojës me -70% ulje ose Elder Scrolls Online: Blackwood i cili përfshin lojën bazë bashkë me të gjitha expansions me -67% ulje.
E gjitha kjo vjen pasi në qershor të këtij viti, Elder Scrolls Online do të marr një expansion të ri të quajtur High Isle. High Isle do t’i çojë lojtarët në Systres Archipelago, një vendndodhje e re e cila nuk ka qenë në lojërat e mëparshme të Elder Scrolls. Lojtarët do të kenë mundësi të mësojnë më shumë rreth lore dhe kulturës së Bretons dhe gjithashtu të zbulojnë goxha gjëra të reja.