Disa leaks të reja mbi GTA 6 janë zbuluar së fundmi

YouTuber Tom “LongSensation” Henderson njihet për leaks dhe informacionet që ai zbulon në lidhje me industrinë e gaming të cilat janë shpesh të sakta. Këtë herë ai ka arritur të zbulojë disa leaks dhe informacione mbi GTA 6 të cilat janë goxha interesante.

Për një kohë të gjatë pikëpyetjet më të madha në industrinë e gaming kanë qenë rreth GTA 6 për të cilën akoma nuk dimë asgjë konkrete. Gjithashtu edhe Rockstar i cili është zhvilluesi i lojës ka qëndruar i heshtur në lidhje me këtë temë.

Së fundmi një ndër leakers më të njohur në industrinë e gaming, Tom Henderson ose siç njihet ndryshe si LongSensation në YouTube ka postuar një Twitter ku është shprehur se ‘80% e leaks rreth GTA 6 “Project Americas” janë…’ bashkë me një imazh të një pasqyre dhe tym.

Por çfarë do të thotë kjo? Project Americas është një ndër leaks i cili u shfaq më 2018 rreth GTA 6 kurse tym dhe pasqyra janë një simbol i informacionit të rremë ose të gabuar. Me pak fjalë të themi që Henderson ka patur për qëllim që të tregojë se 80% e leaks rreth GTA 6 ose “Project Americas” janë të reme ose të gabuara.

Akoma nuk e dimë nëse kjo gjë do të jetë e vërtetë. YouTuber në fjalë ka treguar shpesh leaks të cilat kanë qenë të sakta. Por GTA është diçka tjetër dhe askush nuk e di se çfarë ka në plan Rockstar që të sjellë me GTA 6.