Gamescom përveç se solli lajme të shumta dhe lojëra të reja, prezantoi edhe Death Stranding: Director’s Cut e cila sjell një update në lojën e Hideo Kojima.
Në Director’s Cut do të gjeni shumë veçori të reja dhe përmirësime për sa i përket quality of life. Tashmë lojtarët mund të përdorin Cargo Catapult e cila mund t’i hedh lojtarët në distanca të largëta, stabilizator të përmirësuar që iu lejojnë të hidheni më lehtë nga lartësitë dhe më shumë.
Në trailer mund të shohim një dhomë të re trajnimi i cili do të përdoret për të simuluar misionet të cilat janë të fokusuara në dyluftim. Lojtarët mund t’i përsërisin këto misione dhe të përpiqen që të arrijnë sa më shumë pikë duke hapur armë të reja dhe më shumë.
Përveç kësaj, Director’s Cut do të përfshijë racing mode ku lojtarët do të garojnë në gara me kohë të limituar. Akoma edhe më shumë gjë do të vijnë në Death Stranding Director’s Cut prandaj iu rekomandojmë të ndiqni trailer e mësipërm. Loja pritet të vijë më 24 shtator për PS5.