DLC-ja falas e Far Cry 6 përmban dy misione, ku të dyja interpretojnë Trejo si veten e tij, në vend të një personazhi.
Në misionin e parë, të titulluar Danny & Danny vs Everybody, lojtarët bashkohen me Machete për të luftuar forcat e Antón Castillo, të cilët po përpiqen të ndalojnë Trejon të bëjë taco për të ushqyer të uriturit.
Kur ky mision përfundon, hapet një Special Operation i ri (i gjashti dhe i fundit i lojës), në të cilin Trejo ndihmon studentët që protestojnë kundër ushtrisë së Castillo-s.
Misioni i parë u lëshua aksidentalisht në fillim të nëntorit, me lojtarët në gjendje të aksesonin atë që botuesi e quajti një version “në zhvillim” të DLC-së. Ubisoft tërhoqi menjëherë përmbajtjen, duke kërkuar falje për lëshimin e saj të hershëm dhe duke theksuar se nuk ishte ende gati për të luajtur.
“Misioni Danny & Danny vs Everybody është një punë në vazhdim dhe u lëshua aksidentalisht herët,” tha Ubisoft në atë kohë. “Ne po punojmë për ta hequr atë dhe mezi presim se kur lojtarët mund të luajnë versionin përfundimtar. Kërkojmë falje për çdo konfuzion të shkaktuar dhe do të vazhdojmë së shpejti me më shumë informacion.”
Far Cry 6 u publikua 2 muaj më parë dhe ne e vlerësuam me 9.6 nga 10, për të parë review-në tonë të plotë, klikoni këtë link.