far cry 6
Gaming Lajm i Fundit PC PS4 PS5 Reviews Stadia Xbox One Xbox Series X|S

Far Cry 6 Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Far Cry 6 është një prej lojërave më të shumëpritura nga Ubisoft e cila u shty disa herë për shkak të pandemisë dhe më në fund na ka ardhur në dorë për t’i bërë review dhe për t’i treguar më shumë rreth saj.

Far Cry pothuajse gjithmonë na ka sjellë një histori tërheqëse shoqëruar me një botë të madhe open world me plot gjëra për të bërë. Dhe Far Cry 6 nuk është ndonjë ndryshim i madh deri diku.

Historia është tipike Far Cry. Ju ndodheni në një ishull të quajtur Yara i cili drejtohet nga diktatori mizor por karizmatik Anton Castillo. Castillo dëshiron që ta kthejë Yara në një parajsë por në fakt po ndodh krejt e kundërta. Ai po përdor Yara dhe njerëzit e saj për ta kthyer ishullin në një ishull farmaceutik duke i vendosur njerëzit të punojnë duke i torturuar dhe helmuar.

far cry 6

Por si në çdo lojë Far Cry, çdo antagonist ka kundërshtarin e tij, protagonistin e historisë i cili në ketë rast është Dany. Gjatë nisjes së lojës ju do të keni mundësinë që të zgjidhni gjininë e karakterit. Të dy gjinitë janë canon kështu që mos e vrisni mendjen, zgjidhni cilin do që iu pëlqen.

Pasi ta keni zgjedhur, ju do të përpiqeni të shpëtoni nga forcat e Castillo të cilat janë duke iu ndjekur por në rrugë e sipër shoqja juaj vdes dhe ju përfundoni në një ishull të vogël ku ndodhet një grup i quajtur “LIBERTAD” e cila ka për qëllim të rrëzoj Anton Castillo dhe të çliroj Yara nga regjimi i tij mizor. Dhe këtu nis aventura juaj.

Karakteret që do të takoni janë të veçantë dhe kanë për t’iu ngelur në mendje dhe ku do të donim të përmendnim Juan i cili është karakteri që na bëri më shumë për të qeshur dhe që na argëtoi pa masë. Gjithashtu edhe Castillo bashkë me disa nga

Deri diku kjo na kujton Far Cry 3 ku keni një ishull të madh ekzotik për t’u eksploruar dhe një ose më shumë antagonist ikonik. Por ndryshe nga Far Cry 3, ishulli i Yara është më shumë i gjallëruar dhe më i madh me plot vende interesante dhe tërheqëse për t’u eksploruar. Ju do të keni 4 zona të ndryshme për të eksploruar ku secila prej tyre është unike dhe ndryshe nga njëra tjetra.

far cry 6

Ju mund të përdorni mënyra të ndryshme transporti si makina, varka, kamionë dhe diçka e re në Far Cry, kuajt të cilët janë mënyra më e mirë e transportit sidomos nëpër pyjet dhe xhunglën e Yara. Dhe të cilët mund të përkëdhelen.

Gjithashtu ju mund të thërrisni makinën tuaj nëse jeni afër një rruge, të cilën mund ta personalizoni në maksimum sipas dëshirës.

Gjatë eksplorimit tuaj në ishullin e Yara do të gjeni plot gjëra për të bërë. Ju do të gjeni njerëz të marrë peng të cilët duhet t’i lironi ose ushtarë të Castillo të cilët shkëmbejnë informacion nëse i paguani dhe pasi ta bëni këtë gjë do të merrni XP dhe gjithashtu mund të merrni informacione të cilat iu japin misione të reja të tipit ambush ku ju do të sulmoni një bazë të forcave të Castillo, gjeni cargo drops të cilat iu japin materiale dhe më shumë.

Gjatë aventurave tuaja, ju do të gjeni materiale të ndryshme të cilat do t’iu nevojitet për të ndërtuar baza, shitur ose për të fuqizuar arsenalin tuaj të armëve.

far cry 6

Armët si në çdo Far Cry janë të larmishme dhe iu lejojnë që t’i modifikoni ato duke iu shtuar attachments. Dhe një veçori e re në Far Cry është se armët mund t’i modifikoni më shumë duke filluar nga scope, muzzle dhe deri tek lloji i plumbave.

Secili attachment ka veçoritë e tij si psh. Kundërshtarët kanë dobësi lloje të ndryshme plumbash dhe prandaj do t’iu duhet që të keni armë të cilat kanë atë lloj plumbi për t’i eliminuar më shpejt kundërshtarët.

Ju do të keni mundësi të mbani deri në katër armë, vendi i të cilave hapet shumë shpejt gjatë avancimit në histori dhe nuk do të keni nevojë të kryeni misione ekstra. Për sa i përket arsenalet të armëve, ju do të keni lloje të ndryshme armësh si SMG, LMG, Shotguns dhe më shumë. Ju mund t’i hapni armët duke avancuar në histori ose duke eksploruar dhe plotësuar misionet dytësore ku gjithashtu mund të gjeni edhe armë speciale.

Dhe një veçori e re në arsenalin tuaj janë Supremo, të cilat i mbani në kurriz dhe iu ndihmojnë në momente të caktuara. Ato variojnë nga Supremo të cilat lëshojnë raketa dhe deri tek ato që iu japin health dhe speed bonus. Gjithashtu të mos harrojmë edhe armët e krijuara nga Juan si flamethrower, Nail Gun dhe Discos Lagos e cila gjuan me CD dhe kur bëni aim mund të dëgjoni këngën Macarena.

Dhe gjatë çdo aktiviteti që do të kryeni, ju do të merrni XP të cilat do t’iu risin në ranks duke iu mundësuar shops, aktivitete, armë të reja dhe më shumë.

Nëse gjatë misioneve ose eksplorimit tuaj ndiheni të vetmuar, mos harroni të merrni me vete një prej Amigos tuaj të cilët do t’iu shoqërojnë në aventurat tuaja. Një pjesë të tyre mund t’i merrni gjatë story si krokodili Guapo, qeni Chorizo dhe sigurisht nuk mund të mungonte, gjeli ynë i famshëm Chicharrón i cili është gjithmonë i etur për betejë. Secili prej tyre ka aftësi të veçanta dhe mund të përdoret në mënyra të ndryshme. Dhe mos harroni t’i përkëdhelni herë pas here.

Tashmë gjithashtu do të keni mundësinë që të personalizoni veshjen e Dani me gears ku secili prej tyre iu jep një perk të caktuar si psh më shumë imunitet ndaj plumbave ose zjarrit, merrni më pak dëme kur rrëzoheni dhe më shumë. Gears mund të blihen në shop, merren gjatë misioneve ose gjatë eksplorimit.

Asnjëherë Ubisoft nuk na ka zhgënjyer me grafikat në lojërat e saj open-world dhe në Far Cry 6 kjo gjë tregohet më së miri në ambientet e saj plot ngjyra.

Dhe muzika ishte fantastike. Gjatë çdo momenti që muzika shfaqej ne nisnim të këndonim me të, qoftë gjatë momenteve plot me aksion por gjithashtu edhe gjatë udhëtimeve me makinë. Muzika e stilit latin por gjithashtu edhe shumë hite të tjera nuk mungonin.

Për ta përmbledhur, Ubisoft ka sjellë Far Cry më të mirë deri më tani me karaktere unike dhe të vecantë të cilët do t’iu ngelen në mendje dhe më shumë mundësi keni për të nisur të përdorni shprehjet e tyre, me botën magjepsëse dhe sigurisht aksion e madh që ofron.