Call of Duty më në fund ka konfirmuar se Warzone Mobile do të vijë në pajisjet Mobile dhe gjithashtu disa informacione të reja në lidhje me këtë lojë.
Një mal me thashetheme dhe supozime se Warzone do të vijë si pjesë e Call of Duty Mobile kanë qarkulluar kohët e fundit por një njoftim i bërë së fundmi nga Activision Blizzard ka konfirmuar të kundërtën. Në këtë njoftim të bërë së fundmi në blog e Activision Blizzard, është konfirmuar se një lojë e re mobile AAA është në zhvillim dhe që do të jetë Warzone Mobile.
Në njoftimin e kryer, gjithashtu janë zbuluar edhe disa informacione të reja në lidhje me zhvillim e kësaj loje. Një ndër to ishte edhe kërkimi i kandidatëve të cilët duan t’i bashkohen ekipit të zhvillimit të Warzone Mobile.
Gjithashtu janë dhënë edhe disa informacione se çfarë stili loje do të ketë Warzone Mobile. Sipas informacioneve që kemi, dimë se Warzone Mobile do të jetë e vendosur në një hartë goxha të madhe të mbushur me aksion dhe do të ofrojë teknologjinë e fundit për pajisjet mobile.
Dhe ndryshe nga Warzone në PC i cili do të ketë një sequel Warzone 2, Warzone Mobile do të vijë dhe do të qëndrojë për një kohë të gjatë.
Janë zbuluar edhe disa nga studiot që do të ndihmojnë ku ofrohen edhe disa pozicione pune. Studiot në fjalë janë: Solid State Studios, Beenox, Digital Legends dhe Demonware. Dhe nga të gjitha këto informacione kuptojmë se lançimi i Warzone nuk do të jetë afër dhe mund të vonohet goxha.
Dhe disa informacione të reja kanë dalë në dritë së fundmi të cilat zbuluar disa detaje rreth gameplay të lojës. Sipas informacioneve që kemi, harta e lojës do të jetë një version i hartës Verdansk të Warzone dhe do të ketë mode solo, duo, trio dhe quad.
Gjithashtu një pjesë e mirë e çmimeve të gjërave që mund të blini janë bërë leak të cilat mund t’i gjeni të listuara më poshtë.
Gjithashtu flitet se loja mund të ketë crossplay me lojën në platformat e tjera si PC, Xbox dhe PlayStation por akoma nuk është e konfirmuar.