Valve njihet për mënyrën e saj të veçantë se si lë gjurmë në lojërat e saj për të zbuluar projektet e saj të ardhshme. Dhe kësaj here nëpërmjet lojës së saj më të fundit të vendosur në universin e Portal, Valve mund të ketë bërë leak disa nga lojërat dhe projektet më të shumëpritura nga fansat.
Gjurmët për të cilat po flasim vijnë nga loja Aperture Desk Job e cila u lançua në fillim të muajit mars dhe është e vendosur në universin e Portal. Dhe disa nga dataminers kanë zbuluar një mal me të dhëna të lidhura me lojëra dhe projekte të shumëpritura nga lojtarët dhe fansat e Valve.
Një ndër to është loja Citadel, një lojë e cila është përfolur për një kohë të gjatë e cila pritet të jetë një loje e stilit hibrid RTS/FPS, team/squad/class based. Përveç kësaj Valve kishte edhe të dhëna në lidhje me projektin e kalimit të Counter-Strike: Global Offensive në engine Source 2, për Half-Life Alyx 2 dhe shumë projekte të tjera të anuluara dhe të pazbuluara ndonjëherë.
Fatkeqësisht, asnjë e dhënë e zbuluar deri më tani nuk ka patur lidhje me disa nga lojërat e tjera mjaft të pritura të Valve si Half-Life 3, Portal 3, Left 4 Dead 3 dhe më shumë. Të gjitha këto informacione janë zbuluar nga YouTuber Tyler McVicker i cili ka gjetur këto të dhëna në Aperture Desk Job. Ju mund të mësoni më shumë në videon e mëposhtme.