Garena Free Fire është nje nga lojërat Battle Royale për mobile më të luajtura në botë. Shumë lojtarë të ndryshëm kanë dëshire të hidhen në zona të populluara dhe të shijojnë ndeshjen intensive të hapjes së lojës. Pa humbur më shumë kohë le të listojmë pesë vendet më të populluara në Free Fire që mund të hidheni nëse keni dëshirë ta nisni lojën me pak luftë.
Vendndodhja e Clock Tower është në hartën e quajtur Bermuda dhe është një nga vendet më të populluara ku mund të hidheni. Bëni kujdes pasi shumë lojtarë profesionist pozicionohen në mënyrë të fshehtë ku mund t’ju kapin në befasi teksa ju bëni loot. Edhe ju mund ta konsideroni të bëni pak camping aty pasi merrni goxha vrasje.
Një numër i lartë lojtarësh hidhen direkt këtu për të kapur sa më shpejt kullën e Bimasakti. Edhe pse kulla në vetvete nuk kryen asnjë funksion, lojtarët ndihen te vetëkënaqur pasi e sigurojnë atë. Përveç betejës intensive, kulla ofron një sasi të lartë loot-i.
Command Post është një vend i mirë për tu hedhur. Megjithatë, lojtarët mund të fshihen pothuajse kudo pasi vendi është plot me ndërtesa. Gjithsesi, Command Post është bërë i famshëm për shkak të numrit të lartë të lojtarëve që hidhen dhe mbi të gjitha, ka loot të mjaftueshëm për tu bërë pjesë e luftës.
Vetëm ata lojtarë që kanë guximin e lartë hidhen tek Rafinery pasi është një nga vendet më të rrezikshme për tu hedhur. Arsyeja është se Rafinery pozicionohet në qendër të hartës Kalahari dhe ka aktivitet pothuajse gjatë gjithë kohës deri në mbylljen e disa zonave.
Brasilia gjendet në hartën e quajtur Purgatory dhe është e mbushur me një numër të lartë ndërtesash. Nëse ja dilni të kapërceni shpejt nga një shtëpi tek tjetra, do të gjeni nje sasi të madhe loot-i dhe disa vrasje gjatë rrugës. Mbi të gjitha është vend perfekt për camping.