Dy prej ekipeve më të mëdha shqiptare të CS:GO, X Team dhe Team BLINK, morën pjesë në një prej eventeve më të mëdha të CS:GO në rajon duke siguruar një vendin e dytë dhe të tretë respektivisht. Por çfarë ndodhi gjatë këtij tournamenti të Adria Season 6 Finals.
Çfarë është Esports Adria Championship dhe si u zhvillua?
Adria Championship është një event CS:GO i përvitshëm që organizohet nga Esports Adria dhe që përfshin ekipe të ndryshme CS:GO nga i gjithë rajoni dhe Ballkani dhe me një prize pool prej 10,000 Euro. Ky event konsistoi në disa faza si fazat open qualifier ku shumë ekipe patën shansin për t’u regjistruar dhe kualifikuar në Online Stage, Online Stage ku top 8 ekipet e kualifikuar përballen për një shans në Finals.
Në Online Stage u kualifikuan 8 ekipe ku ndër to ishin edhe ekipet shqiptare X Team dhe Team BLINK. Kjo fazë e këtij eventi u zhvillua në formën Swiss System ku dy përballjet e para ishin BO1 dhe përballjet e tjera BO3.
Nga Online Stage u kualifikuan ekipet e X Team, Team BLINK, MONAD eSports dhe ex-4glory Esports. Të katërta këto ekipe u kualifikuan në finalet e mëdha të Esports Adria Championship Season 6 Finals të cilat u zhvilluan offline.
Struktura e finaleve u zhvillua në formatin Double Elimination Bracket. Raundet hapëse ishin Team BLINK kundër ex-4glory që përfundoi me rezultatin 1-2 për ex-4glory dhe X Team kundër MONAD eSports që përfundoi në fitoren 2 me 1 të X Team. Të dyja ekipet që humbën, Team Blink dhe MONAD eSports kaluan në Lower Bracket ku u përballen me njëri-tjetrin dhe fitues u shpall Team BLINK me rezultatin 2 me 0.
Dy fituesit e Upper Bracket, ex-4glory dhe X Team u përballen kundër njëri-tjetrit duke përfunduar me rezultatin 2 me 0 për X Team. Kjo bëri që ex-4glory të kaloj në Lower Bracket dhe të përballej me Team BLINK duke fituar kundër tyre me rezultatin 2 me 0.
Finalja e madhe u zhvillua kundër X Team dhe ex-4glory e cila përfundoi me fitoren e ex-4glory me rezultatin 2 me 0. X Team arriti vendin e dytë kurse Team BLINK arriti vendin e tretë.