Ai morri si shpërblim të gjitha skin-et Ultimate në League of Legends
Ai morri si shpërblim të gjitha skin-et Ultimate në League of Legends
Vetëm një fans i League of Legends arriti të parashikonte me saktësi çdo rezultat të Worlds 2019. Ai quhet Last Breath dhe luan në EU West dhe ishte njëri prej tre lojtarëve që kishte një Pick’Em perfekt përpara finales midis G2 dhe FunPlus Phoenix. Last Breath ishte i vetmi nga të tre që kishte zgjedhur FPX si fituese dhe për rrjedhojë u bë personi i vetëm që parashikoi në mënyrë perfekte Worlds 2019. Last Breath tashmë është shpërblyer me të gjitha skin-et Ultimate në League of Legends.
Last Breath gjithashtu postoi dhe një AMA (Ask Me Anything) në Reddit pas finales ku ai foli për parashikimet e tij. Një person e pyeti se pse kishin zgjedhur FPX dhe jo G2, të cilat shumica prisnin të fitonin. Ai u përgjigj: “E dija që ishin ekipi më i mirë në turnament, thjesht kishin luajtur kastile keq në grupe.”
Kur u pyet se sa zgjedhje ishin të menduara dhe sa ishin thjesht fat, Last Breath tha: “Unë i ndjek të gjitha rajonet përveç disa Wildcards. Prej kësaj, bëra zgjedhje të menduara, por gjithmonë varet se si performojnë ekipet. Megjithatë, nuk e prisja një finale 3-0.”
Parashikuesi gjithashtu tha se skin-et ishin një bonus i mirë, por lavdia e një Pick’em perfekt ishte ajo që e motivoi atë.
Në anën tjetër, kishte plot 17,000 lojtarë të League of Legends të cilët nuk kishin gjetur asnjë rezutat saktësisht në Worlds. Mbase ata duhet të marrin disa këshilla nga AMA e Last Breath për të fituar në Worlds 2020 në Kinë, ose thjesht të pijnë siç bëri fituesi në 2016.