Mesa duket PUBG Mobile ka plane të mëdha në esports për vitin 2021
Mesa duket PUBG Mobile ka plane të mëdha në esports për vitin 2021
Gjatë Esports Awards Expo, James Yang i cili është drejtuesi global i PUBG Mobile esport ka zbuluar planet që ka për esport në PUBG Mobile gjatë vitit 2021. Gjatë 2020 PUBG Mobile në esport ka arritur shifra të mëdha edhe pse eventi PMGC season zero i cili është më i madhi akoma nuk është zhvilluar.
Sipas informacioneve që kemi dimë që struktura e esports në PUBG Mobile do të jetë pothuajse e njëjtë me atë të vitit 2020. Kjo përfshin PMCO (PUBG Mobile Club Opens), PUBG Mobile Pro Leagues (PMPL) dhe PUBG Mobile Global Championship (PMGC).
PMCO dhe PMPL do të ndahen në dy sezone gjatë gjithë vitit. Skuadrat më të mira gjatë këtyre sezone do të konkurrojnë kundër njëra tjetrës në PMGC në fund të vitit 2021.
Një ndryshim i madh në strukturën e esports gjatë vitit 2021 është heqja e World League (PMWL). PMWL do të zëvendësohet nga një invitational gjatë verës së 2021 dhe konsiderohet të jetë një super event i madh për vitin që vjen.
Prize pool për 2021 do të jetë goxha i madh sipas James Yang dhe kjo gjë do të zbulohet gjatë fillimit të PMGC season zero më 24 nëntor. Duke marrë parasysh që prize pool është dyfishuar gjatë çdo viti gjatë tre viteve të kaluara ne besojmë se prize pool për vitin që vjen do të jetë afërsisht 10 milion dollarë amerikanë pasi gjatë 2020 ishte 5 milion dollarë amerikanë.
Yang ka zbuluar gjithashtu se së shpejti do të jenë gati dy studio të reja për PUBG Mobile esports. Vendodhjet e këtyre dy studiove nuk kanë zbuluar akoma. PUBG Mobile ka një studio në Katowice, Poloni në bashkëpunim me kompaninë eports ESL. Gjithashtu Yang ka shtuar se dy studiot e ardhshme do të jenë më të mëdha dhe të avancuara se ajo në Katowice.
PMCO do të vijë në shtatë rajone të reja gjatë 2021 të cilat do të jenë Afrika, Bangladesh, Francë, Meksikë, Nepal, Mbretëria e Bashkuar Arabe dhe Angli. Gjithashtu është njoftuar se PMPL do të vijnë në rajone si CIS, Turqi, Europa Perëndimore, Arabi, Amerika e Veriut dhe Latine dhe Brazil.
Pavarësisht rritjes së madhe që PUBG Mobile po bën në Azi, pjesa perëndimore ngelet akoma e dobët. Gjatë sezonit të dytë të PMPL Americas e cila u zhvillua gjatë muajit tetor pati një shikueshmëri mesatare prej afërsisht 10,903 shikuesish. Kjo gjë ka bërë që një ndër synimet për vitin 2021 është rritja në këto rajone.