Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sezoni i parë i PMWL arriti mbi një milionë shikues
PUBG Mobile World League u mbajt nga 10 korriku më 9 gusht dhe kishte një prize pool prej $850,000. Ai ishte i ndarë në dy rajone, Lindje dhe Perëndim, dhe secila kishte 20 ekipe.
Edhe pse ishte një event online, kjo ligë theu rekorde shikueshmërie, me PMWL East që arriti mbi 1.1 milionë shikues sipas statistikave në ndeshjen e fundit në Erangel në ditën e fundit të finaleve. Shikueshmëria mesatare e PMWL East ishte 393,766.
PMWL West nuk shkoi dhe aq mirë. Shikueshmëria arriti maksimalisht në vetëm 49,374, ndërkohë që mesatarisht stream-i kishte pak më shumë se 17,000 shikues.
Kjo diferencë erdhi pasi PUBG Mobile është një lojë shumë e njohur në Azinë Jugore dhe Juglindore, nga ku ishin shumica e ekipeve të PMWL East. PMWL West ka ekipe nga Lindja e Mesme, Europa dhe Amerika e Veriut dhe e Jugut, të cilat janë vende që në përgjithësi kanë më pak lojtarë se ato lindore.
Gjithsesi, kjo është hera e parë që një tournament i PUBG Mobile arrin mbi 1 milion shikues. Eventi i fundit ndërkombëtar për lojën battle royale ishte PUBG Mobile Club Open Fall Split Global Finals. Shikueshmëria maksimale e PMWL East u rrit me rreth 120%, ndërkohë që shikueshmëria mesatare pati një rritje prej 118%.
PMCO Fall Split Global Finals ishte një event live me performanca nga disa personazhe të njohur, ndërkohë që PMWL u mbajt online për shkak të pandemisë. Gjithashtu, PMWL ishte e ndarë në dy divizione, ndryshe nga PMCO. Për këtë arsye, kjo rritje është një sukses i padiskutueshëm për PUBG Mobile.
