“Është thjesht çështje kohe…”
“Është thjesht çështje kohe…”
Ninja është momentalisht në një nga vitet më të mira të jetës së tij. Ja ka dalë me sukses të kalojë nga një platformë gjigande streaming në tjetrën. Ka shpallur marrëveshjen e tij me Adidas dhe sigurisht nuk mund të harrojmë librin e tij me këshilla për tu bërë një gamer më i mirë.
Teksa po promovonte librin e tij në New York, streamer-i i famshëm u pyet për pengesat që esports has në rrugëtimin e tij për t’u bërë një sport olimpik dhe duhet ta pranojmë, përgjigjja e tij ishte mjaft interesante.
Gazetari që bëri pyetjen në fjalë u shpreh: “Çfarë mendoni se do të duhet që esports të futet zyrtarisht në Lojërat Olimpike?”
Lojtari i Fortnite tha: “Për mendimin tim gjithçka që duhet është koha. Mendoj se do të vijë natyrshëm për gjeneratën e re që të jetë më e dhënë pas videolojërave dhe esports. Sigurisht që rrjedhimisht kjo do të jetë ajo çfarë media gjithashtu do të dojë të tregojë, ndaj thjesht jepini pak kohë dhe esports do të jetë aty.”
Biseda vazhdoi dhe gazetari në fjalë përmendi faktin se edhe skateboardi ka qenë prezent si sport për një kohë të gjatë përpara se të shtohej në Lojërat Olimpike, duke nënkuptuar nëse edhe esports do ti duhet një kohë aq e gjatë.
“Mendoj se në përgjithësi e gjitha ka lidhje me numrat.” U shpreh Ninja. “Sa njerëz janë duke e bërë një gjë dhe sa njerëz janë duke e parë, kështuqë…”
Kur u pyet se cili vend do të dominonte në një Esports Olympics të mundshëm, ai nuk hezitoi të thoshte Koreja e Jugut dhe Japonia, duke shtuar Brazilin për Counter Strike.
Me Fortnite World Cup që ka patur miliona shikues dhe me parashikimet se esports do të ketë $1 miliard fitime deri në fund të 2019s, mund të jetë vërtetë çështje kohe përpara se esports të shtohet në konkurimet globale Olimpike.