Counter-Strike: Global Offensive ka patur armë të ndryshme të cilat kanë qenë meta duke filluar që prej pistoletave si Deagle dhe deri tek AR si AUG ose Krieg të cilat kanë marrë nerf. Dhe sipas një lojtari profesionist të CSGO, M4A1-s është meta e momentit në lojë.
Kjo deklaratë rreth M4A1-S vjen nga lojtari profesionist i ekipit të ENCE, Marco “Snappi” Pfeiffer, i cili ka folur në një podcast të quajtur It’s Server Time. Snappi është shprehur se koha e vogël që i duhet për të kryer vrasje dhe saktësia e madhe që ka e bën atë meta e momentit në CSGO.
Ai shton se me ndryshimet që loja ka marrë gjatë Operation Riptide në CSGO, M4A1-S është bërë më e fuqishme se sa AUG ka qenë. Gjithashtu kjo armë është bërë zëvendësues i M4A4 jo vetëm për shkak se është e fuqishme por edhe për arsyen se kushton më pak dhe ka një recoil më të lehtë për t’u komanduar.
Dhe nuk janë vetëm fjalët e Snappi që e vërtetojnë këtë gjë. Gjatë IEM Katowice, M4A1-S u përdor për rreth 24.18% të të gjitha vrasjeve të realizuara gjatë këtij tournament. Kurse AK-47 u përdor për 34.37% të vrasjeve. Këto të dhëna tregojnë se M4A1-S po fillon të përdoret akoma edhe më shumë duke vërtetuar se po bëhet meta e momentit në CSGO.