Counter Strike: Global Offensive (CS:GO) dhe Valorant kanë sjellë një numër të madh ndryshimesh në esports gjatë vitit 2020. Disa nga këto ndryshime ishin lojtarët të cilët kaluan nga loja e Valve, CS:GO, në atë të Riot Games, Valorant. Më poshtë kemi listuar disa prej tyre.
Spencer “Hiko” Martin kaloi nga CS:GO në Valorant më 4 qershor dhe u bë pjesë e ekipit të 100 Thieves. Bashkë me ekipin e tij, ata arritën të bëheshin kampionët e First Strike: North America e cila është një tournament për Valorant i organizuar nga Riot. Hiko ka qenë pjesë e skenës esports në CS:GO me skuadra si Team Liquid, Cloud 9 dhe compLexity Gaming.
Që prej vitit 2017, Fatih “gob b” Dayik ka qënë pjesë e ekipit gjerman BIG ku ka luajtur një rol të rëndësishëm. Në gusht të vitit 2019 ai bëri të ditur se do të tërhiqej nga CS:GO por do të vazhdonte si menaxher ose si trajner.
Gjatë korrikut të vitit 2020 ekipi BIG bëri të ditur se do të hynte në Valorant me gob b si kapiten i ekipit. Bashkë me ekipin e tij dhe shokun e skuadrës së tij, Michele “zonixx” Köhler, ata konkurruan në disa tournamente të vogla ku arritën të fitonin shumë prej tyre.
Nicholas “nitr0” Cannella është një prej më të njohurve në ketë listë. Ai nisi të luante CS:GO më prill të vitit 2014 dhe një vit më pas u punësua nga Team Liquid me të cilën qëndroi deri në muajin gusht të vitit të kaluar. Bashkë me ekipin e Liquid ata arritën të fitonin një numër të madh tournamentesh dhe t’i garantonte skuadrës së tij vendin e parë në HLTV midis qeshorit dhe shtatorit të vitit 2019.
Më 14 gusht, nitr0 bëri të ditur se do të kalonte në lojën Valorant dhe do të luante me ekipin e 100 Thieves me të cilën arriti të fitonte First Strike: North America.
Joshua “steel” Nissan ka qenë pjesë e skenën së esports në CS:GO që prej vitit 2012 dhe ka qenë pjesë e ekipeve të ndryshme si Chaos Esports Club, Ghost Gaming dhe Torqued. Në vitin 2015, ai u bë ban nga të gjitha eventet që kishin lidhje me Valve për shkak të pjesëmarrjes së tij në manipulimin e të ardhurave.
Që prej fundit të vitit 2019, steel njoftoi se do të largohej nga CS:GO në gusht të vitit 2020. Ai bëri stream për disa ditë derisa më 4 shtator ai iu bashkuar ekipit të 100 Thieves në Valorant duke fituar First Strike: North America bashkë me Hiko dhe nitr0.
Damian “daps” Steele ka qenë pjesë e shumë skuadrave të mëdha në skenën e esports në CS:GO ndër të cilat mund të përmendim Gen.G, Cloud9, NRG Esports, OpTic dhe Team Liquid. Gjatë vitit të kaluar bashkë me ekipin e Gen.G, ai arriti të fitojë DreamHack Open Anaheim 2020 dhe ESL One: Road to Rio.
Gjatë muajit tetor, daps njoftoi se do të t’i hynte lojës Valorant si një lojtar i NRG Esports, një ekip me të cilin ai ishte pjesë për disa vite në CS:GO. Në Valorant ai arriti të fitonte një event lokal të quajtur Nerd Street Gamers – Monthly December.