BLINK është një ndër ekipet më të famshme shqiptare e cila ka fituar famë nëpërmjet pjesëmarrjes në tournamente të ndryshme në FaceIT, Telekom Legends dhe ESEA. Së fundmi ekipi i BLINK ka arritur që të shpallet fitues i tournamentit Gjirafa50 Masters League të organizuar nga Gjirafa50.
Gjirafa50 Masters League është një prej tournamenteve më të mëdha të zhvilluara në trevat shqiptare e cila zgjati për afërsisht 15 javë dhe pati një finale të mrekullueshme midis katër ekipeve finaliste të cilat ishin gEmpire, Blink, EAGLES dhe Unique.Skuak.
Pas një përformance tepër të mirë nga të katërta ekipet pjesëmarrëse, BLINK arriti të dominonte duke fituar në këto përballje kundër këtyre ekipeve në Gjirafa50 Masters League Finals dhe gjithashtu të arrijë vendin e parë në renditjen e ekipeve gjatë 15 javëve të Gjirafa50 Masters League.
Falë ndryshimeve të fundit në rosterin e ekipit duke sjellë lojtarë si Flatron “juanfaltroo” Halimi dhe Dionis “sinnopsyy” Budeci, BLINK ka arritur të krijojë një ekip i cili mund të konkurrojë në esport lokal dhe global gjithashtu.