Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Telekom Legends është tournament-i më i madh online për esports në Shqipëri. Ja gjithçka që duhet të dini.
Telekom Legends është një iniciativë e nisur nga Telekom Albania dhe GameON Albania me qëllimin e krijimit të një skene kompetitive për esports dhe gaming me audiencën shqiptare. Ky është turneu i parë i Telekom Legends, ku pjesëmarrësit do të marrin pjesë në 8 tournament-e të ndryshme për lojëra në platforma mobile, PC dhe konsola. Turnetë do të zhvillohen në tetë javë njëra pas tjetrës, ku nëse triumfoni, do të përfitoni nga çmimet fantastike që ne kemi vendosur për ju. Ky tournament do të ketë një prize pool prej 3000€, të ndarë në 8 lojëra.
Pjesëmarrja në Telekom Legends është plotësisht falas, pa asnjë lloj kufizimi! Ju mund të luani ku të dëshironi dhe në çdo platformë që dëshironi, pa asnjë limitim (përdorimi i emulatorëve do të jetë i ndaluar, për të mos vendosur lojtarët në smartphone në disavantazh). Për t’u regjistruar në Telekom Legends, shkoni në telekomlegends.al. Këtu, ju mund të shihni datat e secili tournament, si dhe link-un e regjistrimit. Të gjithë tournament-et do të zhvillohen nëpërmjet Battlefy, përveç CS:GO që do të zhvillohet në FACEIT.
Procesi i regjistrimit në Battlefy është mjaft i lehtë. Ju duhet të klikoni në butonin djathtas dhe të krijoni një ekip, ku më pas duhet të ftoni të gjithë lojtarët e tjerë me të cilët do të luani bashkë. Vetëm kur të ftoni numrin e caktuar të lojtarëve për çdo lojë do të jeni të konfirmuar si një ekip pjesëmarrës.
Përveç regjistrimit si ekip, në çdo tournament lojtarët duhet të bëjnë check-in për të konfirmuar pjesëmarrjen e tyre. Check-in do të bëhet ditën e tournament-it në Battlefy, një orë përpara nisjes së tij. Nëse nuk bëni check-in, ekipi do të skualifikohet automatikisht dhe nuk mund të marrë pjesë në tournament. Pas check-in do të bëhet publikimi i brackets me ekipet që kanë konfirmuar pjesëmarrjen e tyre.
Në tournament nuk ka një limitim për sa i përket lojtarëve të huaj. I vetmi limitim është që kapiteni i ekipit duhet të flasë shqip. Ndërkohë, pjesa tjetër e lojtarëve mund të mos të jenë shqiptarë.
Telekom Legends do të nxjerrë në pah aftësitë e lojtarëve më të mirë shqiptarë në esports dhe lojëra mobile. Përpos kësaj, ky tournament gjithashtu do të demonstrojë edhe kapacitetin e rrjetit Telekom, i cili ofron lidhje të shpejtë dhe pa ndërprerje, duke reduktuar lag-un për të gjithë lojtarët.
