Bad News Eagles vendosin mbi të ardhmen e ekipit

Ekipi esports i CS:GO i Bad News Eagles ka qenë për një kohë të gjatë në kërkim të një organizate dhe sponsor. Dhe tashmë ata kanë nxjerrë një njoftim ku kanë vendosur mbi të ardhmen e ekipit.

Pas një performance goxha të mirë në PGL Antwerp Major dhe shumë evente të tjera të CS:GO ku ka marrë pjesë, ekipi i Bad News Eagles ka nxjerrë një njoftim në Twitter duke njoftuar se cila do të ishte e ardhmja e Bad News Eagles.

Nëpërmjet këtij njoftimi në Twitter, ekipi esports i CS:GO ka njoftuar se ata kanë marrë goxha oferta nga organizata dhe sponsor të ndryshëm për bashkëpunime dhe më shumë. Por asnjë prej tyre nuk i përshtatej planeve që lojtarët kishin për ekipin e tyre duke i refuzuar.

Kjo ka bërë që ata të vendosin të vazhdojnë të jenë akoma të pavarur dhe të jenë në kontroll të plotë të ekipit të tyre. Më shumë informacione do të zbulohen në ditët në vazhdim.