Kjo javë ka qenë një javë goxha e rëndësishme dhe e vështirë për ekipin e Bad News Eagles të cilët kanë qenë pjesë e PGL Major Antwerp 2022 Challengers Stage. Pas përballjeve me ekipe të ndryshme goxha të forta nga e gjithë bota, Bad News Eagles arrin të kualifikohet në fazën e radhës.
Pas kualifikimit të tyre në PGL Major Antwerp 2022 Challengers Stage, Bad News Eagles u përball kundër Eternal Fire. Të dyja ekipet performuan goxha mirë por përballja përfundoi me rezultatin 16 me 14 në favor të ekipit të Bad News Eagles.
Përballja e dytë ishte kundër ekipit të forZe. Ekipi i Bad News Eagles është përballur kundër forZe edhe më përpara gjatë Gjirafa Master League Season 2 si ekipi i BLINK. Pavarësisht përpjekjeve të shumta nga ana e ekipit të BNE, forZe arriti të dominoj me rezultatin 16 me 7.
Përballja e tretë u zhvillua kundër ekipit të Imperial. Edhe pse me një rezultat të ngushtë dhe ndryshimit të rezultatit gjatë ndërrimit të anëve, ekipi i BNE arriti të fitonte gjatë kësaj përballjeve.
Përballja e katërt ishte kundër ekipit të ENCE e cila përfundoi me rezultatin 2 me 0 për ekipin e ENCE. Kjo e vendosi ekipin e BNE në një pozicion të vështirë.
Përballja e fundit ishte kundër ekipit të MIBR. Harta e parë u zhvillua në Nuke e cila përfundoi me fitoren e MIBR me një rezultat të ngushtë. Harta e dytë ishte në Ancient e cila përfundoi me fitoren e Bad News Eagles. Harta e tretë dhe vendimtare u zhvillua në Vertigo në të cilën ekipi i Bad News Eagles arriti të fitonte.
Kjo fitore e vendosi ekipin e Bad News Eagles në vendin e 6 duke e kualifikuar në fazën tjetër, PGL Major Antwerp 2022 Legends Stage. GameON Albania i uron ekipit të Bad News Eagles suksese në fazën tjetër të PGL Major.