Ja se si i fiton paratë Tfue
Ja se si i fiton paratë Tfue
Statusi i Tfue në botën e streaming e ka bërë atë një prej lojtarëve më të pasur në botë. Edhe pse nuk ka asnjë statistikë publike, duke parë diskutimet që filluan pasi ai nuk pranoi një ofertë $140,000 nga Madden dhe numrin e lartë të tij të subscribers, nuk është çudi që fitimet e tij të kalojnë milionat.
Tashmë, Tfue ka dhënë pak informacion se si i fiton ai paratë. Në intervistën e tij të fundit me Washington Post, Tfue tregon fitimet e tij nga gaming dhe thotë se Twitch nuk është në majë.
Tfue tha se shumicën e parave ai fiton nga programi Support-A-Creator i Epic. Kjo është pak e çuditshme, kur merr parasysh se sipas statistikave, Tfue ka 16,151 subscribers në Twitch. Edhe pse është larg kulmit prej 65,633, 16,151 nuk është një numër i vogël.
Kur bën llogaritë e fitimeve, duke qënë e Tfue është një streamer i madh dhe me shumë mundësi ka një ndarje 70/30 të fitimeve nga subscribers midis tij dhe Twitch, arrin në përfundimin se Tfue fiton minimalisht $40,000 nga subscribers, pa llogaritur këtu fitimet nga subscribers Tier 2 dhe Tier 3.
Duke parë fitimet e Tfue nga Support-A-Creator, mund të shohim se sa shumë para fiton Fortnite prej tij. Sipas Epic, çdo krijues fiton $5 për çdo 10,000 V-Bucks që shpenzohen në emër të tij. Që ai të kalojë shifrën $40,000 që fiton në muaj nga Twitch, atëherë lojtarët shpenzojnë të paktën 80 milionë V-Bucks në emër të tij. duke qënë se me $80 mund të blesh rreth 10,000 V-Bucks, atëherë Tfue sjell të paktën $640,000 në muaj për Epic.
Tfue gjithashtu ka fituar para dhe në mënyra të tjera, si reklamat në YouTube dhe më shumë se $600,000 fitime nga Fortnite. Ai nuk ka një kontratë ekskluziviteti dhe shpesh herë nuk pranon oferta të ndryshme nga partnerë të tjerë. Kjo ishte një problem kur ai u largua nga FaZe për shkak të kontratës së tij, ku sipas tij ata i merrnin deri në 80% të fitimeve.
Edhe pse ai fiton mbi $80,000 në muaj nga bashkëpunimet e tij me Twitch, Epic dhe të tjerë, Tfue duket se po i shpenzon mirë. Ai ka blerë një magazinë, të cilën ai ka si qëllim ta transformojë në një qëndër trajnimi për streamers.