Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
A është ky fundi i miqësisë me Tfue dhe Cloak?
Nuk mendonim kurrë se do e thonim këtë, por Turner ‘Tfue’ Tenney ka arritur në një pikë pak të vështirë në raport me shokët e tij Dennis ‘Cloak’ Lepore dhe Thomas ’72hrs’ Mulligan, pasi humbi një tufë të madhe me para prej tyre.
Nëse një person duhet të mendojë për një dyshe ikonike në Fortnite, e para që të vjen në mend është kombinimi Tfue dhe Cloak, që shumë njerëz i kanë klasifikuar si dyshja më perfekte që mund të ekzistojë. Por tani, prej një sitaute të pasqaruar mes të dyja palëve, ka telashe në parajsë.
Tfue postoi në Twitter një deklaratë pak të hidhur, ku tha se po kërkonte një skuadër të re për të luajtur Trios, duke i kapur shumë prej fansave të tij në befasi.
Looking for New Permanent Trio who take Competitive Seriously
— Tfue (@TTfue) September 7, 2019
Kur u pyet gjatë stream-it të tij për këtë deklaratë Tfue tha se vendimi i tij për të ndarë rrugët me Cloak dhe 72hrs erdhi nga një aludim i tiji se ata i kishin kushtuar atij shumë para me vendimin që kishin marrë për të bërë stream promocional për Madden 20.
Ai tha se personalisht e kishte refuzuar ofertën që i kishte bërë EA Sports, duke refuzuar $140,000 që ata të tre të mund të luanin në turnamentin e trios. Për fatin e tij të keq ai kishte zbuluar më vonë se dy shokëve të tij, që i ishte bërë e njejta ofertë, kishin thënë po, duke e lënë Tfue në baltë.
Si rezultat i këtij keqkuptimi, ish anëtari i FaZe Clan ngeci në një situatë të sikletshme ku as nuk mund të merrte pjesë në turnament dhe as nuk mund të bënte stream për Madden dhe rrjedhimisht në këtë pikë $140,000 ishte jashtë ekuacionit.
Rastësisht është kjo shuma që ai kërkon që Cloak dhe 72hrs ta paguajnë nëse duan ti bashkohen sërish treshes. Derisa të ndodhë kjo gjë, Tfue dukej se nuk kishte shumë interes të merrej as me njërin as me tjetrin.
Sigurisht që historia nuk mbetet me kaq, pasi dhe Claok dhe 72hrs kanë dhënë opinionin e tyre mbi këtë situatë dhe kanë treguar historinë nga ana e tyre.
“Nëse atij i jepen para për të luajtur Madden pse nuk erdhi te ne dhe të na thoshte që, shiko unë kam këtë ofertë, a mendoni se duhet ta pranoj? Dhe sigurisht që ne do i thonim po sepse janë gjithë ato para. Më vonë ne na u paraqit e njejta ofertë dhe normalisht që thamë po.” U shpreh 72hrs.
Ai gjithashtu tha se nuk e kishte idenë që Cleakzy kishte të njejtën ofertë dhe shtoi se do të ishte shumë gjë e bukur sikur thjesht të kishin vajtur të kishin luajtur të tre.
“Unë isha i gatshëm që dhe të mos e pranoja ofertën dhe të shkoja të luaja me të në turnament nëse do e dija që do mërzitej kaq shumë për këtë punë.”
Në mënyrë të ngjashme edhe Cloak dha anën e tij të historisë, duke shpjeguar se ishte mungesa e komunikimit ajo që e shkaktoi të gjithë mosmarrëveshjen.
“Pse janë duke më thënë këta çerrat që i kam borxh $140,000. Unë nuk e kisha idenë që ja kishin ofruar. Nuk ia pata unë fajin. Nuk i thashë unë të mos e pranonte ofertën, un as që e kisha idenë që e kishte si ofertë.”
“Çfarë idioti mund të jesh që të mos pranosh $140K? Nuk është faji im që je ti budalla.” Mbylli deklaratën e tij Cloak. Qartazi Cloak nuk është shumë i shqetësuar për këtë situatë, duke e kritikuar Tenney që e refuzoi ofertën që në fillim.
Sado që të dy lojtarët i janë përgjigjur Tfue, gjasat janë që ky nuk është fundi i gjithë kësaj situate. Mbi të gjitha pas kritikave të forta që Cloack bëri mbi shokun e tij.
