Përpara se Tyler ‘Ninja’ Blevins të kalonte nga Twitch në Mixer, streamerat kurrë nuk devijonin nga një platfromë streaming te tjera. Gjithsesi, që pasi kjo ngjarje shokoi botën e streaming, shumë përdorues kanë qenë të hapur ndaj ndryshimeve.
Shroud ndoqi Ninja në Mixer në fund të tetorit dhe së fundmi në 4 nëntor, edhe CouRage vendosi të lërë pas Twitch për YouTube. Sado që Twitch ende ka një numër masiv streamerash me të, një ulje e ndjeshme e tyre mund të ndodhë, nëse parashikimet e shroud rezultojnë të sakta.
Gjatë transmetimit të tij në datën 4 nëntor, ish lojtari pro i CS:GO po shikonte videon e njoftimit të largimit që kishte postuar CouRage dhe filloi të komentonte mbi këtë lëvizje.
“Industria po ndryshon. Urime për CouRage!” Një shikues i kapi shenjat në komentet e tij dhe e pyeti nëse ky ishte vetëm fillimi i gjërave. “A është ky fillimi i këtyre gjërave? Oh po, tani sapo ka filluar.” U përgjigj shroud.
Sado që ai nuk tha ndonjë gjë përtej kësaj, këto fjalë lënë vend për shumë dyshime. Raportimet e fundme që shumë streamera të tjerë, me të njejtin status si Ninja dhe shroud, kanë ndërmend të largohen prej Twitch, i hedhin edhe më shumë benzinë zjarrit.
Nëse emra të tjerë të mëdhenj do të vendosin të largohen prej Twitch, mbetet ta shohim me kalimin e kohës.