CouRage largohet nga Twitch për të bërë stream në YouTube

Duket se Mixer nuk është e vetmja platformë që i ka vënë sytë te Twitch.

Ish komentatori i Call of Duty, Jack  “CouRage” Dunlop, do të bëjë stream ekskluzivisht në YouTube që tani e tutje. Debuti i tij në këtë kapitull të ri ekskluziv do të mbahet në 5 nëntor.

“Ky është vendimi më i mirë për mua dhe Curageous,” tha CouRage.

Streamer-i i 100 Thieves hodhi shenja drejt kësaj lëvizjeje me disa video të shkurtra në Twitter, nga të cilat fansat mund të merrnin vetëm një datë për njoftimin. Përmes videos së mësipërme të gjitha postimet e mëparëshme u lidhën me njëra-tjetrën. CouRage u shpreh se kjo lëvizje do i hapë më shumë mundësi që të rritet në karrierën e tij.

Twitch tashmë humbi yllin e Fortnite, Ninja, dhe ish pro-në e CS:GO, shroud, për Mixer. Në kombimim vetëm këta dy të fundit kishin mbi 21 milion ndjekës që lanë pas në platformën e Amazon. Sado që fansat e CouRage nuk janë në ato shifra, ai ka 2.1 milion followers në Twitch dhe 1.85 subscribers në YouTube.

Largimi i tij nga Twitch lë një tjetër boshllëk në shikueshmërinë e këtij shërbimi. Duket se CouRage mund të mos jetë i vetmi streamer që do të largohet nga Twitch këtë javë. Fjalët qarkullojnë se edhe TimTheTatman mund të bëjë një lëvizje të ngjashme me Mixer.

Me tre streamera të mëdhenj që janë larguar nga Twitch, gjërat po fillojnë të duket edhe më të lëkundura për platformën.