Shroud shpjegon pse u largua dhe pse mund të kthehet në PUBG

Gjatë një stream, Shroud ka treguar arsyet e tij pse është larguar nga PUBG dhe çfarë mund ta bëjë që të vijë përsëri

PUBG dikur ka qënë mbreti i lojërave të zhanrit battle royale por tashmë loja ka filluar të humb shumë lojtarë ditë pas ditë ku secili prej tyre ka arsyet e tij. Së fundmi Shroud ka zbuluar se cila ishte arsyeja pse ai ishte larguar dhe çfarë mund ta bëjë atë të kthehet përsëri në PUBG.

Si shumë të tjerë Shroud u largua nga PUBG dhe së fundmi në një stream të tij ai zbulon arsyen pse ai u largua. Ai shprehet se PUBG është tepër argëtuese por ajo që i mungon është mungesa e emocioni dhe intensitetit. Ai shton gjithashtu se PUBG është një lojë e thjeshtë e cila nuk të bën “të mendosh jashtë kutisë”.

Ai mendon se PUBG ka nevojë për një update i cili do t’i shërbejë komunitetit duke iu dhënë lojtarëve mjetet që ata kanë nevojë dhe le ta lënë komunitetin të bëjë çfarë të dojë. Kjo është mënyra që Shroud mendon që do ta sjellë PUBG përsëri në jetë.

“PUBG si bazë loje është e shkëlqyer. Duket mirë, luhet mirë dhe iu bën ta shijoni. Tani, nëse thjesht iu jep njerëzve mjetet, mund të kthehet në çfarëdo loje. Unë mendoj që do të ishte argëtuese.” shprehet Shroud.