Dr Disrespect ju rikthye gaming në datë 7 gusht. Më shumë se gjysmë milionë njerëz e panë ish streamerin e Twitch, të bënte hyrjen e tij në YouTube. Ai menjëherë foli për ban-in e tij në Twitch dhe më pas ju drejtua një stream-i tipik që mund të pritet nga Doc.
Shikueshmëria e Dr Disrespect ishte çuditërisht shumë më e lartë se ajo çfarë fansat ishin mësuar të shikonin nga ai në Twitch, përpara se të bëhej ban. Në vitin e shkuar Doc kishte një mesatare prej 23,813 shikuesisht në Twitch përgjatë 1,240 orëve streaming. Pika maksimale e shikimeve të tij ishte thjesht 97,540, më pak se një e pesta e asaj që ai tërhoqi në YouTube javën e shkuar.
Teksa Dr Disrespect u përpoq që ta bënte stream-in e tij në YouTube sa më familjar për fansat a tij, kishte diçka tek e gjithë drama që e rrethonte ban-in e tij, që i bëri të gjithë ta shohim streamin.
Përpar se të kapte mbi 500,000 shikues në YouTube përgjatë fundjavës, Dr Disrespect kishte një maksimum prej 388,000 shikuesish në 2018n në Twitch. Çfarë e bëri streamin e Doc diçka që të gjithë ndjenë një nevojë për ta parë?
Përgjigjia është fare e thjeshtë. Është misteri që e rrethonte. Me njerëzit që ende nuk ishin në dijeni se pse Doc ishte bërë ban nga Twitch, shumë prej tyre ishin aty vetëm për dramën, ose për shpresën se do të mund të merrnin një përgjigje.
Në epokën e teknologjisë, në fushën e gaming, ku thuajse çdo gjë bëhet leak përpara se të njoftohet zyrtarisht, asgjë nuk dihet për ban-in e Twitch. Është diçka kjo, që fare kollaj e bën edhe një individ të syrit të jashtëm të bëhet kurioz.
Për shkak të natyrës së çuditshme të situatës së tij, emri i Dr Disrespect qarkullon akoma nëpër media sociale, aq shumë sa sponsorat e tij kanë qëndruar me të, pavarësisht rrezikimeve të mundshme që mund t’i parashtrohen karrierës së tij.
Momentalisht Doc nuk ka formuar akoma një orar të rregullt për streaming dhe nuk ka firmosur ndonjë kontratë ekskluziviteti me YouTube. Mungesa e konsistencës së tij në YouTube është një shenjë që është ende në negociata për të gjetur një platformë të re.
Sado që mund të ketë vërtetë diçka shqetësuese pas arsyes pse ai është bërë ban në Twitch, rikthimi i tij para publikut tregon që ose ai është i bindur që ky informacion nuk do të bëhet publik, ose vërtet beson se nuk ka bërë asgjë gabim.