Pas lëmshit që u bë në Fortnite nga fundi i sezonit të dhjetë të lojës, duke përfshirë këtu BRUTE mechs, që ishin të urryer gati nga e gjithë bota, shumë prej lojtarëve kanë mbetur të zhgënjyer nga ritmi i ngadaltë i Chapter 2.
Për shumë njerëz, fundi dramatik i Season X dhe eventi i vrimës së zezë që gllabëroi Fortnite, ishte pikërisht ajo që i duhej lojës. Gjithsesi, disa lojtarë janë të lodhur me ritmet e ngadalta të lojës. Një prej tyre është Mongraal.
game is so stale rn I want combat launchpad impulse boogie bombs hover boards snow biome item that one shots builds slurp juice chugjug
— code mongraal #ad 🍀 (@Mongraal) December 11, 2019
Ninja, që shpesh ka qenë zëri i arsyes për shumë nga problemet e Fortnite, deri në një pikë ku njerëzit janë tallur se ai ka një marrdhënie të afërt me zhvilluesit, tha se binte dakord me 15 vjeçarin, por se gjithashtu ai duhet të kishte durim.
“Me ngadalë,” ju përgjigj ai komentit të Mongraal. “Loja ishte aq e çmendur në fund të Season X, mendoj se Epic thjesht po tenton të imitojë mënyrën se si shtonte items në kapitullin e parë.”
Duke konsideruar shpërthimin global të Fortnite që erdhi falë planit që Epic Games ndoqi në 2017n, nuk është çudi që zhvilluesit duan të bëjnë një rikthim në taktikat e kohërave të vjetra.
Gjithsesi, mirëkuptimi i Ninja nuk do të thotë që edhe ai është i kënaqur me mënyrën se si po ecën loja për momentin. Në përgjigjen e tij ai gjithashtu pranoi se ndante të njejtin mendim me Mongraal, se nuk ka patur shumë varietet së fundmi në battle royale.
Slow and steady. The game was so insane at the end of season X, I think epic is trying to mimic the way they added items from the first chapter. But I AM totally with you I want much more variety.
— Ninja (@Ninja) December 11, 2019
Kjo nuk është hera e parë që Ninja ndërhyn në momentin që dikush flet keq për Fortnite. Së fundmi ai pralajmëroi Tfue se ankesat që ai shpesh bën për lojën, kanë një ndikim negativ në të.
Për momentin është e qartë se Epic është duke marrë kohën që i nevojitet për të sjellë patche të reja dhe për të futur atë elementin e varietetit në lojë. Gjërat padyshim janë duke ardhur në ritme më të ngadalta se ç’janë mësuar fansat e Fortnite, por realisht besoj se të gjithë e dimë se kjo është për më të mirën.