Ninja shpjegon pse Tfue po i bën dëm Fortnite

Ninja ka shpjeguar se përse figura të shquara të Fortnite si Tfue, mund të jenë duke dëmtuar rritjen e lojës.

Që kur Fortnite u lançua në 2017m, battle royale-i është rritur me ritme masive dhe është bërë pjesë shumë e rëndësishme e kulturës, si një nga lojërat më të famshme në botë. Gjithsesi, siç ndodh me shumë lojëra, hype-i i madh rreth Fortnite ka filluar të shuhet me kalimin e kohës. Ninja shpjegoi se pse disa nga krijuesit kryesorë të lojës, mund të jetë përgjegjës për këtë.

Ninja po diskutonte se çfarë ndryshimesh duhet të bëheshin në sistemin e matchmaking, kur skuadra e tij FNCS, filloi të vinte në dukje mënyrën se si shumë figura të shquara të Fortnite, reagonin ndaj problemeve që hasnin në lojë.

Krahas faktit që shumë njerëz nuk janë të kënaqur me stadin e tanishëm të Fortnite, Ninja shpjegoi se nuk ka për tu zgjidhur asgjë, nëse çdo gjë që bëjnë të tjerët është të ankohen.

“Ka kaq shumë mënyra të tjera që mund ta bësh, pa i bërë të gjithë të mendojnë se loja po vdes ose ka marrë fund. Do të doja shumë që personalitete që kanë shumë ndjekës dhe shumë influencë të ishin të vetëdijëshëm për këtë.” U shpreh ai.

Streameri i famshëm zbuloi se shpesh edhe e gjente veten të ndikuar nga gjërat që disa prej kolegëve të tij ankoheshin dhe këtu vuri në dukje një moment specifik ku Tfue po e kritikonte lojën.

“Ai kishte diku te 60 a 70,000 shikues dhe po ankohej se si loja ishte palidhje dhe idiote dhe se si po vdiste. Ai është shembulli perfekt. Në momentin që je duke tërhequr më shumë shikues se të gjithë në platformë, nuk mund ta dëmtosh lojën në të tillë mënyrë.”

Tfue ka qenë relativisht i hapur për ndryshimet që janë bërë në Fortnite Chapter 2 dhe edhe e ka quajtur këtë: “Update-in më të keq ndonjëherë”, pasi po vuante nga disa probleme me pingun.

Sado që Ninja duket të jetë ende pozitiv për lojën battle royale, nëse fjalët e tij do i hyjnë në vesh njeriu, mbetet të shohim.