Krijuesi i Pepe the Frog ngelet i hutuar nga Pepe emote në Twitch

Pepe the Frog është një prej emote dhe meme më popullore për një kohë të gjatë në platforma të ndryshme si Discord dhe Twitch. Së fundmi krijuesi i Pepe the Frog është befasuar nga kjo gjë duke mbetur i konfuzuar.

Pepe the Frog është krijuar për herë të parë nga Matt Furie në vitin 2005 për një seri comic të quajtur Boy’s Club. Që prej kësaj kohe, Pepe është bërë një prej emote më të famshëm.

Në një stream të zhvilluar para pak ditësh, content creator TriHex, fytyra e të cilit është përdorur për emote “TriHard”, solli Furie në livestream e tij në Twitch si pjesë e diskutimit mbi dokumentarin Feels Good Man, një dokumentar i cili tregon krijimin dhe historinë e Pepe the Frog. Teksa biseda kaloi tek pjesa se si emote e Pepe janë bërë pjesë e kulturës së Twitch, Furie filloi të dukej i konfuzuar.

Gjatë këtij stream Furie u prezantua me funksionin e emote së Pepe në Twitch chat duke e lënë atë pa fjalë. Fatkeqësisht, emote e Pepe nuk janë të vlefshëm në versionin normal të Twitch prandaj për t’i parë ato iu duhet browser extension si BTTV, diçka që Matt Furie nuk e kishte.

Kjo gjë tregoi se si interneti ishte zhvilluar dhe se si iu lejonte njerëzve që të krijonin një shumëllojshmëri gjërash. Gjithashtu kjo gjë tregoi se si kultura e Twitch është tepër e çuditshme dhe e paaksesueshme për të gjithë personat të cilët nuk janë familjarë me platformën e Twitch.